ముంబై : దేశంలో ఆటో మాన్యుఫాక్చరింగ్ యూనిట్‌లో ఉద్యోగాలకు భారీగా కోత విధించాయి. ఈ ఏడాది నియమించాల్సిన ఉద్యోగాల్లో సగానికిపైగా జాబ్స్ ప్రముఖ కంపెనీలు నిలిపివేశాయి. ఇందుకు గల కారణాలను కూడా ఆయా కంపెనీలు అంగీకరించాయి. గత 19 ఏళ్లలో ఎన్నడూ లేని కనిష్టానికి విక్రయాలు పడిపోయాయని .. అందుకే ఉద్యోగ నియామకాల్లో కోత పెట్టినట్టు వివరించాయి.

ఏటా మహీంద్ర అండ్ మహీంద్రా, టాటా మోటార్స్, మారుతి సుజుకీ, అశోక్ లేలాండ్ కంపెనీలు క్యాంపస్ రిక్రూట్ మెంట్ చేస్తుంటాయి. కానీ ఈసారి అవి సగానికి పైగా తగ్గించాయి. కార్ల ఉత్పత్తి, అమ్మకాల్లో తగ్గుదలతో కొత్త ఉద్యోగ నియామకాలు చేపట్టలేదు. దేశంలో ప్రముఖ పేరున్న కంపెనీ మహీంద్ర .. వాహనాలు, ట్రాక్టర్లను ఉత్పత్తి చేస్తుంది. కానీ ఈ ఏడాది ఉద్యోగ నియామకాల ప్రక్రియను సగానికి తగ్గిస్తూ నిర్ణయం తీసుకుంది.

సాధారణంగా ఏడాదికి కొత్తగా 400 మంది ఉద్యోగాలు కల్పిస్తుంటారు. కానీ ఉత్పాదక రంగంలో నెలకొన్న అనిశ్చితితో దానిని 200 మందికి తగ్గించారు. క్యాంపస్ హైరింగే కాదు .. ఇంటర్నల్ జాబ్ రొటేషన్స్ కూడా చేపట్టడం లేదని టాటా మోటార్స్ అధికార ప్రతినిధి ఒకరు మీడియాకు తెలిపారు. జూలైలో వాహనాల విక్రయం ఘోరంగా పడిపోయింది. 19 ఏళ్ల కనిష్టానికి చేరడంతో ఈ మేరకు కంపెనీలు ఉద్యోగ నియామకాలు చేపట్టడం లేదు. వాహనాల విక్రయం 18.7కి పడిపోగా .. అది ప్రయాణ వాహనాల విక్రయం 31 శాతానికి పడిపోయిందని సొసైటీ ఆఫ్ ఇండియన్ ఆటోమొబైల్ మ్యానుఫాక్చరర్స్ పేర్కొంది.