నెలకు 40 వేల డాలర్ల గంజాయి పీల్చుతాడు

తాజాగా సోమవారం ఓ కార్యక్రమంలో గంజాయి తనకు ఎంత ఇష్టమో చెప్పకనే చెప్పాడు. గంజాయిని పెద్ద మొత్తంలో ఉపయోగిస్తానని షాకింగ్ విషయం చెప్పాడు. ఈ సైకోటిక్ (గంజాయి) డ్రగ్ కోసం తాను ఎంత పెద్ద మొత్తం ఖర్చు చేస్తున్నానో వెల్లడించాడు. ఆయన చేసే ఖర్చు చూస్తే అందరూ షాకవ్వాల్సింది. తాను, తన వ్యాపార భాగస్వామి కలిసి నెలకు 40 వేల డాలర్ల విలువ చేసే వీడ్ తీసుకుంటామని చెప్పాడు. అంటే మన రూపాయల్లో దాదాపు రూ.28 లక్షలు.

మైక్ టైసన్

53 ఏళ్ల మైక్ టైసన్ మూడేళ్ల క్రితం ప్రారంభించిన తన గంజాయి రిసార్టుకు సమయం ఎక్కువగా కేటాయిస్తున్నాడు. ఇప్పుడు 407 ఎకరాల్లో భారీ గంజాయి రిసార్ట్ కోసం ప్లాన్ చేస్తున్నాడు. ఈ రిసార్టులో హోటల్, స్పా, లాడ్జీ, గ్లాంపింగ్ పార్కు ఉండనున్నాయి. అలాగే, రిసార్టు చుట్టూ అతిపెద్ద స్నేకింగ్ రివర్ ఏర్పాటు చేయనున్నాడు.

గంజాయి కోసం..

మరిజునా, మ్యూజిక్ ఫెస్టివెల్స్ నిర్వహించే ప్లాన్ చేస్తున్నాడు. గంజాయిని సాగు చేసే రైతులకు డిగ్రీ స్టైల్ కోర్సుల కోసం టైసన్ యూనివర్సిటీని కూడా ప్లాన్ చేస్తున్నాడు. కాగా, మైక్ టైసన్ తన సొంత ఉత్పత్తుల ప్రచారం కోసం హాట్ బాక్సిన్ పేరుతో వారానికి ఒకసారి కార్యక్రమాన్ని నిర్వహిస్తాడు.