ఇవీ కోరికలు...

* తమ కుటుంబ అవసరాలతో పాటు వారికున్న కోరికలను తీర్చుకోవడానికి అధిక శాతం మంది రుణం తీసుకోవాలనుకుంటున్నారు.

* తమ జీవన శైలిని మరింతగా మెరుగు పరుచుకోవడానికి చాలా మంది రుణం తీసుకోవాలని భావిస్తున్నారు.

* ఈ సర్వేను 12 నగరాల్లో నిర్వహించారు. ఇందులో 2,571 మంది పాల్గొన్నారు. ఇందులో 33 శాతం మంది కన్స్యూమర్ డ్యూరబుల్స్ కొనుగోలు చేయడానికి రుణం తీసుకోవాలనుకుతున్నట్టు వెల్లడించారు. వంటిలో మొబైల్ ఫోన్, టీవీ, రిఫ్రిజిరేటర్ వంటివి ఉన్నాయి.

* టూవీలర్ల కోసం 23.3 శాతం మంది, వ్యక్తిగత ఖర్చులకోసం 20.3 శాతం మంది, కార్ల కొనుగోళ్ల కోసం 12.5 శాతం, ఇంటి కోసం 12 శాతం, బంగారం కోసం 10.5 శాతం మంది రుణం తీసుకోవాలనుకుంటున్నారు.

* మొత్తంగా చూస్తే దాదాపు 67 శాతం మంది తమ అవసరాల కోసం ఋణం తీసుకోవడానికి ముందుకు వస్తున్నారు.

* తమ కుటుంబ అవసరాల కోసం రుణం తీసుకోవడానికి 46 శాతం మంది అధికశాతం మంది ప్రాధాన్యం ఇస్తున్నారు.

ఫ్యామిలీ ఓరియెంటేషన్, అవసరాలకు

* ఫ్యామిలీ ఓరియెంటేషన్, అవసరాలకు పాట్నాలో 61 శాతం మంది, లక్నో లో 58 శాతము మంది, నాగపూర్ లో 56 శాతం మంది, జైపూర్ లో 54 శాతం మంది ప్రాధాన్యం ఇస్తున్నారు.

* రుణం తీసుకునే ముందు చాలా మంది తమ కుటుంబ సభ్యులు, స్నేహితుల నుంచి సలహాలు తీసుకుంటున్నారు. ముంబైలో 65.1 శాతం మంది స్నేహితుల నుంచి సలహాలు తీసుకుంటున్నారు. లక్నోలో 75 శాతం మంది కుటుంబ సలహాలు తీసుకుంటున్నారు. చండీగర్ లో కొలీగ్స్ నుంచి 54.9 శాతం మంది సలహాలు తీసుకుంటున్నారు.

* రుణం తీసుకునే ముందు ఫైనాన్సియల్ అడ్వైజర్లను సంప్రదించే వారు ముంబై లో 44.2 శాతం, ఢిల్లీలో 38.8 శాతం మంది ఉంటున్నారు.

మారుతున్న ధోరణి...

* కొన్నేళ్ల క్రితం వరకు బ్యాంకులు లేదా ఇతర ఆర్ధిక సంస్థల నుంచి రుణం తీసుకోవాలంటే చాలా మంది వెనకడుగు వేసే వారు. తమకు తెలిసినవారి నుంచి ఎక్కువ మంది రుణం తీసుకునేందుకు ఇష్టపడేవారు.

* అయితే రోజులు మారిపోతున్నాయి. వివిధ రకాల అవసరాల కోసం రుణం ఇచ్చే బ్యాంకులు, బ్యాంకింగేతర ఆర్ధిక సంస్థలు, ఫిన్ టెక్ కంపెనీలు ఆసక్తి చూపుతున్నాయి.

* టూ వీలర్, కారు, గృహం కొనుగోలు చేసేందుకు అధిక శాతం మంది రుణం తీసుకుంటున్నారు. సులభ వాయిదాల్లో రుణాన్ని చెల్లించే అవకాశం ఉండటం వల్ల రుణం తీసుకోవడానికి ఎక్కువ మంది ఇష్టపడుతున్నారు.