రూ.80,000 తగ్గనున్న టిగోర్ ఈవీ

టిగోర్ ఈవీ (ఎలక్ట్రిక్ వెహికిల్) ధరను రూ.80,000 వరకు టాటా మోటార్స్ తగ్గించింది. తక్షణమే ఈ ధరల తగ్గింపు అమల్లోకి వస్తుందని ఈ మేరకు గురువారం ఓ ప్రకటనలో పేర్కొంది. ఆగస్ట్ 1వ తేదీ నుంచి ఇది అమల్లోకి వచ్చింది.

జీఎస్టీ ప్రయోజనం వినియోగదారులకు బదలాయింపు

ఎలక్ట్రిక్ వాహనాలపై జీఎస్టీ రేట్లను 5 శాతానికి తగ్గించేందుకు ఇటీవల జీఎస్టీ కౌన్సెల్ సిఫార్సు చేసిన నేపథ్యంలో ఆ మేరకు ప్రయోజనాన్ని వినియోగదార్లకు బదలాయించాలని టాటా మోటార్స్ నిర్ణయించింది. టిగోర్ ఈవీ అన్ని రకాల వేరియంట్లకు ఎక్స్ఈ (బేస్), ఎక్స్ఎమ్ (ప్రీమియం), ఎక్స్‌టీ (హై)లకు ఈ ధరల తగ్గింపు వర్తిస్తుంది.

ఇవి ఇంక్లూడ్ కాలేదు..

ఇంతకుముందు టిగోర్ ఈవీ ధర రూ.12.35 లక్షల నుంచి రూ.12.71 లక్షల (ఎక్స్ షోరూమ్, ముంబై)గా ఉంది. ఇప్పుడు ఇది రూ.11.58 లక్షల నుంచి రూ.11.92 లక్షలకు రానుంది. ఈ ధరల్లో FAME II (ఫాస్టర్ అడాప్షన్ అండ్ మానుఫ్యాక్చర్ ఆఫ్ (హైబ్రిడ్ అండ్) ఎలక్ట్రిక్ వెహికిల్స్) సబ్సిడీని ఇంక్లూడ్ చేయలేదు. టీసీఎస్ (ట్యాక్స్ కలెక్టెడ్ ఎట్ సోర్స్) కూడా కలపలేదు.