ఈ-కామర్స్ వెబ్ సైట్ ద్వారా అందుబాటులో ఉత్పత్తులు

మహేష్ బాబు తన బ్రాండ్ ఇమేజ్‌ను సద్వినియోగం చేసుకుంటూ సొంత దుస్తుల బ్రాండ్‌ను ప్రారంభించబోతున్నారు. ప్రముఖ ఈ-కామర్స్ బిజినెస్ కంపెనీతో కలిసి దీనిని తీసుకు వస్తున్నారు. ఈ-కామర్స్ పోర్టల్ Spoyl ద్వారా తన ఉత్పత్తులను అందుబాటులో ఉంచుతారు. ఈ వెబ్ సైట్ ద్వారా ఎవరైనా ఉత్పత్తులను కొనుగోలు చేయవచ్చు.

ఫ్యాన్స్‌కు ఆఫర్, కౌంట్ డౌన్ ప్రారంభం

అదే సమయంలో ఈ బ్రాండ్ వినియోగదారులకు ఓ ఆఫర్ కూడా ఇచ్చారు. మహేష్ బాబును కలుసుకునే అవకాశం కల్పిస్తున్నారు. ఈ అవకాశం అందరికీ కాదు. ఈ వెబ్‌సైట్‌లోకి లాగిన్ అయిన వారిలో కొందరు లక్కీ విన్నర్స్‌కు తమ అభిమాన హీరోను కలుసుకునే అవకాశం ఉంది. https://www.spoyl.in/thehumblco

దీనిని ఆగస్ట్ 7వ తేదీన లాంచ్ చేస్తున్నారు. పైన లింక్‌లోకి వెళ్తే ఆగస్ట్ 7వ వరకు కౌంట్ డౌన్ ప్రారంభమైంది.

ది హంబుల్ కో

మహేష్ బాబు ది హంబుల్ కో పేరుతో వస్త్ర వ్యాపారంలోకి అడుగు పెడుతున్నారు. ఈ విషయాన్ని ఆయన సోమవారం తన ట్వీట్టర్ ద్వారా ధృవీకరించారు. ది హంబుల్ కో కేవలం దుస్తులే కాదు.. జీవన విధానం అని తన ట్వీట్‌లో పేర్కొన్నారు. మహేష్ బాబు ఇప్పుడు సొంతగా ఓ బ్రాండ్‌ను ప్రారంభించి వస్త్ర వ్యాపారంలోకి దిగడారు.

సమంత కూడా..

ఇప్పటికే విజయ దేవరకొండ రౌడీ పేరుతో సొంత బ్రాండ్ ప్రారంభించారు. బాలీవుడ్ నటులు హృతిక్ రోషన్, సోనమ్ కపూర్, అనుష్క శర్మ, వంటి వారు కూడా ఈ బిజినెస్‌లో ఉన్నారు. మహేష్ బాబుతో పాటు నటి సమంత కూడా తన ఓన్ బ్రాండ్‌ను ఇదే ఈ-కామర్స్ వెబ్ సైట్ ద్వారా లాంచ్ చేస్తోంది.