యాక్సిస్ మ్యూచువల్ ఫండ్

* యాక్సిస్ మనీ మార్కెట్ ఫండ్ పేరుతో యాక్సిస్ మ్యూచువల్ ఫండ్ కొత్త పథకాన్ని తీసుకువచ్చింది.

* మనీ మార్కెట్ సాధనాల్లో పెట్టుబడులు పెట్టడం ద్వారా రెగ్యులర్ ఆదాయాన్ని రాబట్టాలన్నది ఈ ఫండ్ ఉద్దేశం.

* డేట్ స్కీం - మనీ మార్కెట్ ఫండ్ కేటగిరీలో తెచ్చిన ఓపెన్ ఎండెడ్ స్కీం ఇది.

* ఈ ఫండ్ ఈ నెల 26న ప్రారంభమైంది. ఆగస్టు 1న ఫండ్ ముగుస్తుంది.

* ఎంట్రీ లోడ్, ఎగ్జిట్ లోడ్ లేదు.

* ఇందులో కనీస పెట్టుబడి రూ. 5,000

* మరింత సమాచారాన్ని www.axismf.com ద్వారా తెలుసుకోవచ్చు.

ఐటీఐ లాంగ్ టర్మ్ ఈక్విటీ ఫండ్

* ఐటీఐ లాంగ్ టర్మ్ ఈక్విటీ ఫండ్ పేరుతో ఈ ఫండు ను తెచ్చారు.

* ఈక్విటీ, ఈక్విటీ సంబంధిత సెక్యూరిటీల్లో పెట్టుబడులు పెట్టడం ద్వారా దీర్ఘకాలంలో క్యాపిటల్ ను పెంచాలన్నది ఈ పథకం ఉద్దేశం.

* ఈక్విటీ స్కీం - ఈఎల్ ఎస్ ఎస్ కేటగిరిలో వచ్చిన ఓపెన్ ఎండెడ్ స్కీం ఇది.

* ఈ నెల 15న ప్రారంభమైన ఈ పథకం అక్టోబర్ 14న ముగుస్తుంది.

* ఎంట్రీ లోడ్, ఎగ్జిట్ లోడ్ లేదు

* ఈ ఫండ్ లో కనీస పెట్టుబడి రూ. 500

* ఈ ఫండ్ కు సంబంధించిన మరిన్ని వివరాలను www.itimf.com ద్వారా తెలుసుకోవచ్చు.

యూనియన్ మ్యూచువల్ ఫండ్

* యూనియన్ ఫోకస్డ్ ఫండ్ పేరుతో ఈ స్కీం అందుబాటులోకి వచ్చింది.

* ఎంపిక చేసిన ఈక్విటీ, ఈక్విటీ లింక్డ్ సెక్యూరిటీల్లో పెట్టుబడి పెట్టడం ద్వారా మూలధనాన్ని పెంచాలన్నది ఈ స్కీం ఉద్దేశం.

* ఈక్విటీ స్కీం - ఫోకస్డ్ ఫండ్ కేటగిరీలో తెచ్చిన ఓపెన్ ఎండెడ్ స్కీం ఇది.

* నెల 15న ప్రారంభమైన ఈ ఫండ్ 29న ముగుస్తుంది.

* ఎంట్రీ లోడ్ లేదు. ఏడాదికన్నా ముందుగా యూనిట్లను రిడీమ్ చేసినట్టయితే ఒక శాతం ఎగ్జిట్ లోడ్ వసూలు చేస్తారు.

* ఇందులో కనీస పెట్టుబడి రూ. 5,000

* మరింత సమాచారం www.unionmf.com వెబ్ సైట్ లోకి లాగ్ ఇన్ అయి తెలుసుకోవచ్చు.

ఎస్ బీ ఐ మ్యూచువల్ ఫండ్

* ఎస్ బీ ఐ ఫిక్స్డ్ మెచ్యూరిటీ ప్లాన్ (ఎఫ్ ఎం పీ ) - సిరీస్ 14 (1102 రోజులు) పేరుతో ఈ ఫండ్ ను తెచ్చారు.

* ప్రభుత్వ సెక్యూరిటీలు, పీఎస్ యు అండ్ కార్పొరేట్ బాండ్స్, మనీ మార్కెట్ సాధనాల్లో పెట్టుబడులు పెట్టనున్నారు.

* ఆదాయం కేటగిరీలో వచ్చిన ఓపెన్ ఎండెడ్ స్కీం ఇది.

* ఈ నెల 23న ప్రారంభమైన ఈ స్కీం 29న ముగుస్తుంది.

* ఇందులో కనీస పెట్టుబడి రూ. 5,000

* www.sbimf.com ద్వారా మరింత సమాచారం తెలుసుకోవచ్చు.