భవిష్యత్తు EVలదే

విపరీతంగా పెరుగుతున్న కాలుష్యంతో మనుగడ ప్రశ్నార్థకంగా మారుతున్న నేపథ్యంలో కేంద్రం EVలను ప్రోత్సహిస్తోంది. డీజిల్, పెట్రోల్ వాహనాలకు ప్రత్యామ్నాయంగా విద్యుత్ ఆధారిత వాహనాలను వినియోగిస్తే కాలుష్యాన్ని నియంత్రించవచ్చు. ఇప్పటికే చాలామంది విద్యుత్ వాహనాలు ఉపయోగిస్తున్నారు. ప్రభుత్వం కూడా వీటిని ప్రోత్సహిస్తోంది. ఇంకా చెప్పాలంటే భవిష్యత్తు అంతా EVలదే. కాలుష్యం నివారణకు EVల అవసరాన్ని దానికి తోడు, కేంద్ర ప్రభుత్వం ప్రత్యేక ప్రయోజనాలు కల్పించడం గమనార్హం.

ఇలా భారం తగ్గుతుంది...

టెస్లా వంటి అంతర్జాతీయ కంపెనీలు మొదలు భారతీయ కంపెనీలు కూడా EVల తయారీపై దృష్టి సారించాయి. టాటా మోటార్స్ ఇప్పటికే అల్ట్రా ఈవీ పేరుతో విద్యుత్ బస్సును తయారు చేసింది. డీజిల్‌తో ఓ బస్సు ప్రయాణం చేయాలంటే ఎంత ఖర్చవుతుందో అందులో మూడో వంతు మాత్రమే విద్యుత్ బస్సుకు ఖర్చవుతుంది. అంటే దాదాపు మూడంట రెండింతల వరకు ఆదా అవుతుంది. EV బస్సులు, కార్లు, ఇతర వాహనాలు ఉపయోగిస్తే ప్రయాణీకులు, వాహనదారులపై భారం తగ్గుతుంది.

ప్రభుత్వం రాయితీలు..

విద్యుత్ వాహనాలకు ప్రభుత్వం ప్రత్యేక రాయితీలు ప్రకటిస్తోంది. విద్యుత్ వాహనాల తయారీపై కంపెనీలు ప్రత్యేక దృష్టి సారించిన నేపథ్యంలో ఉద్యోగాల కల్పనకు కూడా ఉపయోగపడనున్నాయి. పైగా పర్యావరణ కాలుష్యం తగ్గుతుంది. మెట్రో నగరాల్లోను ప్రజా రవాణా కోసం విద్యుత్ బస్సుల్ని ప్రయోగాత్మకంగా వినియోగిస్తున్నారు. విద్యుత్ వాహనాల వాడకం వల్ల భారీగా ఇంధనం ఖర్చు తగ్గించవచ్చు. ఎలక్ట్రానిక్ వాహనాల ద్వారా వచ్చే శబ్ద కాలుష్యం కూడా తక్కువే.