కస్టమర్ల అవసరాలను దృష్టిలో పెట్టుకొని ఫర్నీష్యూర్

ఫ్లిప్‌కార్ట్ ప్రకారం... ఫర్నీచర్‌లోని అనేక రకాలను అర్థం చేసుకోవడం, ఇబ్బందులు లేకుండా వాటిని కొనుగోలు చేయడం, ఇన్‌స్టాలేషన్ అనుభవం కస్టమర్లకు అందించడమే ఈ ఆఫ్‌లైన్ సెంటర్ ముఖ్య ఉద్దేశ్యం. కస్టమర్లను దృష్టిలో పని చేసే సంస్థ ఫ్లిప్‌కార్ట్ అని, వారి అవసరాలను దృష్టిలో ఉంచుకొని 'ఫర్నీష్యూర్' (FurniSure) ఏర్పాటు చేస్తున్నట్లు ఫ్లిప్‌కార్ట్ వైస్ ప్రెసిడెంట్ (ఫర్నీచర్, ఎలక్ట్రానిక్స్ అండ్ ప్రవైట్ లేబుల్) ఆదర్శ్ మీనన్ అన్నారు.

గూగుల్ లెన్స్‌తో అనుసంధానం

గూగుల్ లెన్స్‌తో దీనిని అనుసంధానం చేశారు. దీని వల్ల కస్టమర్లు తమ స్మార్ట్ ఫోన్‌తో ఫర్నీచర్ కేటలాగ్‌ను స్కాన్ చేయగానే, ఫ్లిప్‌కార్టులోని పేజీకి వెళ్తుందని, అక్కడ ఫీచర్లు తెలుసుకోవచ్చునని చెప్పారు. ఫ్లిప్‌కార్ట్ ఫర్నీచర్ మరో రెండు ఎక్స్‌పీరియన్స్ సెంటర్స్‌ను ఏర్పాటు చేసేందుకు ప్లాన్ చేస్తోంది. వీటిని కూడా బెంగళూరులోనే ఏర్పాటు చేయనుంది. ఆ తర్వాత ఇతర మెట్రో నగరాలకు విస్తరించనుంది.

విస్తరిస్తున్న ఐకియా

ఆన్‌లైన్‌లో వేగంగా వృద్ధి చెందుతున్న కేటగిరీల్లో ఫర్నీచర్ ఒకటి. మెట్రో నగరాలతో పాటు టైర్ 1, టైర్ 3 టౌన్ల నుంచి మంచి డిమాండ్ ఉంది. భారత్‌లో ఆన్‌లైన్ మార్కెట్ 17 బిలియన్ డాలర్లకు విస్తరించింది. స్వీడన్ ఫర్నీచర్ రిటైలర్ ఐకియా భారత్‌లో విస్తరిస్తోంది. ఈ నేపథ్యంలో ఫ్లిప్‌కార్ట్ సరికొత్త అడుగు వేసింది. ప్రముఖ ఫర్నీచర్ ఈ-కామర్స్ దిగ్గజాలు పెప్పర్‌ఫ్రై, అర్బన్ లాడర్, లైవ్‌స్పేస్ వంటివి కూడా గత కొన్నేళ్లుగా ఆఫ్‌లైన్ పైన దృష్టి సారించాయి.

ఫర్నీచర్ దిగ్గజాలదీ ఆఫ్‌లైన్ బాట

100 ఆఫ్‌లైన్ స్టోర్స్ ప్రారంభించేందుకు 12 మిలియన్ డాలర్లను ఇన్వెస్ట్ చేయనున్నట్లు పెప్పర్‌ఫ్రై ఈ ఏడాది ప్రారంభంలో వెల్లడించింది. ప్రస్తుతం 42 షాప్స్‌ను కలిగి ఉంది. అర్బన్ లాడర్ కూడా గత ఏడాది.. ఏడాదిన్నరలో ఆరు వరకు భారీ ఫార్మాట్ స్టోర్స్‌ను ప్రారంభించింది. మరిన్ని ప్రారంభించేందుకు సిద్ధంగా ఉంది.