ఎంత నిల్వ ఉండాలంటే..

* రెగ్యులర్ సేవింగ్స్ బ్యాంక్ ఖాతాదారు తన ఖాతాలో కనీసం కొంత నిల్వను ఉంచాల్సిందే. ఇంతకు ముందు చాలా మంది తమ ఖాతాలో ఉన్న మొత్తం సొమ్మును తీసుకునే వారు. ఇలాంటి ఖాతాల సంఖ్య పెరగడంతో బ్యాంకులు సేవింగ్స్ ఖాతాల్లో కనీస నిల్వ ఉండాలన్న నిబంధనను అమల్లోకి తెచ్చాయి. ఈ మేరకు నిల్వ ఉండకపోతే ఖాతాదారుల నుంచి జరిమానాను వసూలు చేస్తున్నాయి.

* ఉదాహరణకు మెట్రో నగరాలు, అర్బన్ ఏరియాల్లో ఎస్ బీ ఐ ఖాతాదారులు నెలవారీగా రూ. 3,000 సగటు నిల్వను కలిగి ఉండాలి. సెమీ అర్బన్ లో అయితే రూ. 2,000, గ్రామీణ ప్రాంతాల్లో అయితే రూ. 1,000 ఉండాలి.

* ఒకవేళ సగటు నిల్వను కలిగి ఉండక పోతే ఎస్ బీ ఐ తక్కువగా ఉన్న నిల్వను బట్టి రూ. 5 నుంచి రూ. 15 వరకు (జీ ఎస్ టీ అదనం ) వసూలు చేస్తోంది.

కనీస నిల్వ లేకపోతే

* హెచ్ డీ ఎఫ్ సి బ్యాంక్ విషయానికి వస్తే ఈ బ్యాంకు సేవింగ్స్ ఖాతాదారులు మెట్రో, అర్బన్ ఏరియాల్లో రూ.10,000, సెమీ అర్బన్ ఏరియాల్లో రూ. 5,000 నెలవారీ సగటు నిల్వను కలిగి ఉండాలి. గ్రామీణ ప్రాంతాల్లో మూడు నెలల సగటు రూ. 2,500 ఉండాలి.

* కనీస నిల్వ లేకపోతే హెచ్ డీ ఎఫ్ సి బ్యాంకు మెట్రో/అర్బన్ ఏరియాల్లో రూ. 150 నుంచి రూ. 600 వరకు, సెమి అర్బన్ ఏరియాల్లో రూ. 270 నుంచి రూ.450 వరకు (జీ ఎస్ టీ అదనం) వసూలు చేస్తోంది.

* ఐ సి ఐ సి ఐ బ్యాంకు రెగ్యులర్ సేవింగ్స్ బ్యాంక్ ఖాతాల విషయంలో మెట్రో, అర్బన్ ఏరియాల్లో సగటు నిల్వ రూ. 10,000, సెమీ అర్బన్ ఏరియాల్లో రూ. 5,000, గ్రామీణ ప్రాంతాల్లో రూ.2,000 ఉండాలన్న నిబంధన విధించింది.

* ఒక వేళ నెలవారీ సగటు నిల్వ లేకపోతే మెట్రో, అర్బన్, సెమీ అర్బన్ , గ్రామీణ ప్రాంతాల్లో రూ. 100 తో పాటు కనీస నిల్వ కన్నా తగ్గిన మొత్తంపై 5 శాతం చార్జీ విధిస్తోంది.

ఈ ఖాతాలకు వర్తించవు..

* ఆర్బీఐ నిబంధనల మేరకు బేసిక్ సేవింగ్స్ డిపాజిట్ ఖాతాలకు కనీస నిల్వ అవసరం లేదు. ఇందులోకి ప్రధాన మంత్రి జన్ ధన్ యోజన ఖాతాలు కూడా వస్తాయి.

* కొన్ని బ్యాంకులు మరికొన్ని ఖాతాలపై కూడా కనీస నిల్వ లేనందుకు చార్జీలు విధించడం లేదు. ఎస్ బీ ఐ జన్ ధన్ ఖాతా లతో పాటు , నో ఫ్రిల్స్ ఖాతాలు , వేతన ఖాతాలు వంటి వాటికి కనీస నిల్వ నిబంధనను విధించడం లేదు.