మినిమం బ్యాలెన్స్ అవసరం లేదు

మీరు రైల్వే ఉద్యోగి అయితే ఎస్బీఐలో అద్భుతమైన బెనిఫిట్స్ ఉన్నాయి. ప్రమాద బీమా, అపరిమిత ఎటిఎం లావాదేవీలు, డీమాట్ ఖాతా, ఆకర్షణీయ రుణ వడ్డీ రేట్లు, తక్కువ ప్రాసెసింగ్ ఫీజులు... ఇలా ఎన్నో ఉన్నాయి. వీరి అకౌంట్‌ను రైల్వే శాలరీ ప్యాకేజీ (RSP) అంటారు. అలాగే, అనేక రకాల ప్రయోజనాలు, సేవలను కూడా అందిస్తుంది. అలాగే సురక్షిత నెట్ బ్యాంకింగ్, మొబైల్ బ్యాంకింగ్ సేవల్ని యాక్సెస్ చేస్తుంది. ఈ కస్టమర్స్ తమ ఖాతాల్లో కనీస బ్యాలెన్స్‌ను నిర్వహించాల్సిన అవసరం లేదు.

ఎస్బీఐ రైల్వే శాలరీ ప్యాకేజీ.. వేతనం ఆధారంగా కేటగిరీలు

ఈ అకౌంట్ ఇండియన్ రైల్వేస్, కోల్‌కతా మెట్రో, కొంకణ్ రైల్వే కార్పొరేషన్, ముంబై మెట్రో, ఢిల్లీ మెట్రో రైల్ కార్పొరేషన్ లిమిటెడ్, బెంగళూరు మెట్రో రైల్ కార్పొరేషన్ ఉద్యోగుల కోసం ఉద్దేశించబడింది. రైల్వే ఉద్యోగుల నెలవారీ జీతం ఆధారంగా ప్యాకేజీని వివిధ కేటగిరీలుగా విభజించారు. విభిన్న ప్యాకేజీలు ఉన్నాయి.

ఎంత వేతనం ఉంటే ఏ కేటగిరీ?

- సిల్వర్- నెలకు రూ.10,000 నుంచి రూ.25,000 వరకు వేతనం ఉన్నవారు ఈ కేటగిరీలోకి వస్తారు.

- గోల్డ్ - నెలకు రూ.25,000 నుంచి రూ.50,000 వరకు వేతనం ఉన్నవారు ఈ కేటగిరీలోకి వస్తారు.

- డైమండ్ - నెలకు రూ.50,000 నుంచి రూ.1,00,000 వరకు వేతనం ఉన్నవారు ఈ కేటగిరీలోకి వస్తారు.

- ప్లాటినం - నెలకు రూ.1,00,000 లేదా అంతకంటే ఎక్కువ వేతనం ఉన్నవారు ఈ కేటగిరీలోకి వస్తారు.

ఉద్యోగులకు ప్రయోజనాలు

- జీరో బ్యాలెన్స్ అకౌంట్, అన్‌లిమిటెడ్ ఏటీఎం ట్రాన్సాక్షన్స్.

- రూ.20 లక్షల వరకు కాంప్లిమెంటరీ పర్సనల్ యాక్సిడెంట్ ఇన్సురెన్స్ (డెత్) కవర్.

- కాంప్లిమెంటరీ ఎయిర్ యాక్సిడెంట్ ఇన్సూరెన్స్ (డెత్) రూ.30 లక్షలు.

- ఆకర్షణీయమైన పర్సనల్ లోన్, గృహ రుణాలు, కారు లోన్లు, విద్యా రుణాలు. ఈ రుణాల తీసుకున్నప్పుడు కూడా ప్రాసెసింగ్ ఫీజుపై 50% వరకు మినహాయింపు ఉంటుంది.

- లాకర్ ఛార్జీలపై 25% వరకు తగ్గింపు.

- ఇ-మోడ్స్ (మల్టీ ఆప్షన్ డిపాజిట్లు). అధిక వడ్డీ పొందవచ్చు.

- డీమాట్ అకౌంట్, ఆన్‌లైన్ ట్రేడింగ్ అకౌంట్.

- డ్రాఫ్ట్స్, మల్టీ సిటీ చెక్కులు, ఎస్ఎమ్ఎస్ ఎలర్టులు ఉచితం. ఉచిత ఆన్‌లైన్ NEFT/RTGS (ఇప్పుడు ఆర్బీఐ వీటిపై ఛార్జీలు విధించడం లేదు.)

- ఓవర్ డ్రాఫ్ట్ 2 నెలల నెట్ శాలరీకి సమానం (ప్రస్తుతం ఎంచుకున్న వినియోగదారులకు మాత్రమే అందుబాటులో ఉంది).

- ఎస్పీఐ రివార్డ్స్ ప్రోగ్రామ్ ద్వారా వివిధ ట్రాన్సాక్షన్లపై పాయింట్లు ఉంటాయి.