మందగిస్తున్న వృద్ధి రేటు

గత ఆర్థిక సంవత్సరంలోని క్వార్టర్ 2లో FMCG వృద్ధి 16.4 శాతంగా ఉండగా, ఆ తర్వాత వరుస క్వార్టర్‌లలో పడిపోతోందని పేర్కొంది. ఈ ఏడాది (2019) మొదటి అర్ధ సంవత్సరంలో ఎఫ్ఎంసీజీ వృద్ధి రేటు 12 శాతం ఉంది. దీనిని 13 శాతం నుంచి 14 శాతం అంచనా వేశారు. అదే సమయంలో ఈ ఆర్థిక సంవత్సరంలో ఏడాది FMCG రంగం మందగమనాన్ని ఎదుర్కొనే అవకాశముందని, ఈ ఏడాది ఈ రంగ వృద్ధి 9 శాతం నుంచి 10 శాతానికి పరిమితం కావొచ్చునని తెలిపింది.

కీలక రంగాల్లో వృద్ధి శాతం ఇలా...

కీలకమైన ఫ్యాక్టర్స్ విశ్లేషణ ఆధారంగా ఈ ఏడాదిలో FMCG రంగం వృద్ధి 9-10 శాతం సాధించే అవకాశముందని అంచనా వేసినట్లు రిటైల్ మెజర్‌మెంట్ సర్వీసెస్ సౌత్ ఏషియా హెడ్ సునీల్ ఖియానీ తెలిపారు. ఫుడ్ కేటగిరీ గ్రోత్ 10 శాతం నుంచి 11 శాతం అంచనా వేస్తున్నట్లు తెలిపారు. అలాగే పర్సనల్ కేర్ 7 శాతం, హోమ్ కేర్ సెగ్మెంట్ 8 శాతంగా ఉంటుందని పేర్కొంది.

ఊహించిన దాని కంటే తక్కువ వృద్ధి

తాము ఊహించిన దానికంటే వృద్ధి రేటు తక్కువగా ఉందని కంపెనీలు చెబుతున్నాయి. సాధారణంగా డిస్ట్రిబ్యూటర్లు ఎక్కువగా క్యాష్ ద్వారా లావాదేవీలు నిర్వహిస్తారని, కానీ సార్వత్రిక ఎన్నికల సమయంలో మాత్రం ఆన్‌లైన్ ద్వారా లావాదేవీలు జరిపి, తీసుకు వెళ్లాలని సూచించినట్లు చెబుతున్నారు. ఇది ముఖ్యంగా చిన్న చిన్న పట్టణాలలో ప్రభావం చూపిందని పార్లే ప్రాడక్ట్స్ సీనియర్ కేటగిరీ హెడ్ కృష్ణారావు అన్నారు. కేంద్రంలో స్థిరమైన ప్రభుత్వం ఉండటానికి తోడు మాన్‌సూన్ సీజన్ బాగా ఉంటే పరిస్థితులు బాగుంటాయని, కానీ ప్రారంభంలోనే వృద్ధి రేటు తగ్గిందని ఆందోళన వ్యక్తం చేశారు.

గ్రామీణ అమ్మకాల వాటా 37 శాతం వరకు

2018లో FMCG రంగంలో వృద్ధి రేటు 14 శాతంగా ఉంది. ఈ రంగంలో రూ.4.2 లక్షల కోట్ల అమ్మకాలు జరుగుతాయని అంచనా. రూరల్ సేల్స్ తగ్గడంవల్ల డిమాండ్‌ ప్రభావితం అయింది. మొత్తం FMCG సేల్స్‌లో గ్రామీణ అమ్మకాల వాటా 36 శాతం నుంచి 37 శాతంగా ఉంటుంది. గ్రామీణ FMCG అమ్మకాల విషయానికి వస్తే సాల్టీ స్నాక్స్‌, బిస్కెట్లు వంటి ఆహార ఉత్పత్తులపై అరవై శాతం ఖర్చు ఉంటుందని సునిల్‌ ఖియానీ తెలిపారు. దీనికి తోడు పట్టణ ప్రాంత సేల్స్ ప్రభావితం చేశాయన్నారు. గ్రామీణ ప్రాంతాల్లో తగ్గుదల రెండింతలు అధికంగా ఉందన్నారు. ఇంతకుముందు, గ్రామీణ అమ్మకాల వృద్ధి రేటు పట్టణ మార్కెట్స్ కన్నా ఎక్కువగా ఉండేది.