LIC మనీ బ్యాక్ ప్లాన్ 20 ఇయర్స్: ప్రీమియం, ఇతర వివరాలు
లైఫ్ ఇన్సురెన్స్ కార్పోరేషన్ ఆఫ్ ఇండియా (LIC) అందిస్తోన్న ప్లాన్స్లో మనీ బ్యాక్ ప్లాన్ ఒకటి. మనీ బ్యాక్ పాలసీ ఓ తేలికపాటి ఇన్సురెన్స్ పాలసీ. పాలసీదారు ఎలాంటి విపత్తు నుంచి ఐనా కుటుంబానికి రక్షణ కల్పిస్తూనే నిర్దిష్ట కాలపరిమితిలో కొంత శాతం వంతున సొమ్ము అందుకుంటారు. మనీ బ్యాక్ ప్లాన్ 20 ఇందులో ఒకటి. ఇది నాన్ లింక్డ్ ప్లాన్. ఆర్థిక భద్రత, రక్షణ ఈ పాలసీ ప్రత్యేకత. ఇన్సురెన్స్ ప్లాన్స్, ఎండోమెంట్ ఇన్సురెన్స్ పాలసీలు, పెన్షన్ ప్లాన్స్ తదితర స్కీంలను ఎల్ఐసీ ఆఫర్ చేస్తోంది.
ఎల్ఐసీ సరికొత్త మనీబ్యాక్ ప్లాన్
ఇదీ మనీ బ్యాక్ ప్లాన్ 20 ఇయర్స్ పాలసీ
13 ఏళ్ల నుంచి 50 ఏళ్ల ఇండివిడ్యువల్స్ ఎల్ఐసీ మనీ బ్యాక్ ప్లాన్ 20 ఇయర్స్ పాలసీని కొనుగోలు చేయవచ్చు. కనీసంగా రూ.లక్ష పాలసీ తీసుకోవాలి. ఈ పాలసీ తీసుకోవడానికి గరిష్ట పరిమితి లేదు. ఎల్ఐసీ మనీ బ్యాక్ ప్లాన్ 20 ఇయర్స్ ప్లాన్ గరిష్ట మెచ్యూరిటీ పీరియడ్ 70 ఏళ్లు. ఈ పాలసీ కాలం 20 ఏళ్లు కాగా, 15 ఏళ్లు ప్రీమియం చెల్లించాలి.
బోనస్
ఎల్ఐసీ మనీ బ్యాక్ ప్లాన్ 20 ఇయర్స్ ప్లాన్ తీసుకున్న పాలసీదారులు అయిదేళ్లు, పదేళ్లు, పదిహేనేళ్లకు ఒకసారి బేసిక్ సమ్ అష్యూర్డ్ మొత్తంలో 20 శాతం తిరిగి చెల్లిస్తుంది. ఎల్ఐసీ మనీ బ్యాక్ ప్లాన్లో 20వ ఏడు ముగింపు సమయానికి సబ్స్క్రైబర్కు బేసిక్ హామీ మొత్తంలో 40 శాతం చెల్లిస్తారు. సాధారణ బోనస్, ఫైనల్ అడిషనల్ బోనస్లు కూడా ఉంటాయి.
ప్రీమియం ఇలా..
పాలసీదారు మరణిస్తే వార్షిక వార్షిక ప్రీమియంకు 10 రెట్లు లేదా బేసిక్ హామీ మొత్తంలో 125 శాతం మొత్తాన్ని పాలసీదారు కుటుంబానికి అందిస్తారు. పాలసీ ప్రీమియం... 20 ఏళ్లలో పాలసీతీసుుకుంటే ఏడాదికి రూ.1,000 మత్తానికి దాదాపు రూ.78 చెల్లించాలి. అదే 30 ఏళ్లలో పాలసీ తీసుకుంటే రూ.79.10 చెల్లించాలి. 40 ఏళ్లలో తీసుకుంటే రూ.82.95 చెల్లించాలి. 50 ఏళ్లలో తీసుకుంటే రూ.92.05 చెల్లించాలి. నెల, మూడు నెలలు, ఆరు నెలలు, ఏడాది చొప్పున ప్రీమియం చెల్లించవచ్చు. ప్రీమియం చెల్లింపుల్లో ఒకవేళ విఫలమైనా నెల రోజుల గ్రేస్ పీరియడ్ ఉంది. నెల రోజుల వరకు పెనాల్టీ లేదు. పాలసీ మొత్తం పెరిగితే ప్రీమియం పెరుగుతుంది.