ప్రస్తుతం అందుబాటులోకి

ఇప్పుడు మార్కెట్లో చికెన్ ధర రికార్డు స్థాయి నుంచి దాదాపు రూ వంద వరకు తగ్గి రూ 177 (స్కిన్ లెస్ చికెన్) అభిస్తుండగా... స్కిన్ తో చికెన్ కిలో రూ రూ 155 పలుకుతోంది. ఈ ధరలు దేశంలోనే అతిపెద్దది ఐన పౌల్ట్రీ కంపెనీ వెంకాబ్ ప్రకటించిన నేటి (10/07/2019) ధరలు. దీంతో వినియోగదారులు కొంత ఊపిరి పీల్చుకొంటున్నారు. కూరగాయల ధరలు అమాంతం పెరిగిన ఈ సమయంలో చికెన్ ధరలు తగ్గటం కొంత ఊరటేనని చెప్పాలి. ప్రస్తుతం కూరయల మార్కెట్లో కిలో బీన్స్ ధర రికార్డు స్థాయిలో రూ 120 పలుకుతోంది. దీంతో పోల్చితే కిలో చికెన్ అందుబాటు ధరలోకి దిగి వచినట్లేనని విశ్లేషకులు పేర్కొంటున్నారు.

హైదరాబాద్ టాప్...

చికెన్ వినియోగం లో దేశంలోనే హైదరాబాద్ మహా నగరం తొలి స్థానంలో నిలుస్తోంది. బిర్యానీకి ఫేమస్ ఐన మన సిటీ లోసగటున రోజుకు సుమారు 25 లక్షల కిలోల చికెన్ ఆరగిస్తున్నారు. సెలవు దినాలు, ఆది వారాల్లో ఈ వినియోగం మరింత అధికంగా ఉంటుంది. హైదరాబాద్ నగర అవసరాలు తీర్చేందుకు రోజుకు సుమారు 30-35 లక్షల కోళ్లు అవుతాయని పౌల్ట్రీ రంగ నిపుణులు వెల్లడిస్తున్నారు. రెండు తెలుగు రాష్ట్రాల్లో కలిపి రోజుకు దాదాపు 80 లక్షల కిలోల నుంచి కోటి కిలోల వరకు ఉంటుందని అంచనా.

ఉత్పత్తి లోనూ మననే నెంబర్ వన్ ...

వినియోగం లోనే కాదు... పౌల్టీ ఉత్పత్తి లోనూ తెలంగాణ, ఆంధ్ర ప్రదేశ్ రాష్ట్రాలు దేశంలోనే తోలి స్థానం లో ఉంటాయి. దేశంలో జరిగే మొత్తం పౌల్ట్రీ ఉత్పత్తుల్లో మన రెండు తెలుగు రాష్ట్రాల్లోనే మూడో వంతుకు పైగా ఉత్పత్తి జరుగుతుందంటే ఈ రంగంలో మన శక్తి ఏమిటో తెలుస్తుంది. కోడి గుడ్లు రంగం లేయర్, కోడి మాంసం అందించే బ్రాయిలర్ లోనూ మనది నెంబర్ వన్ ర్యాంకు.

వర్షాకాలం లో ధరలు...

వర్షాకాలం లో ఉష్ణోగ్రతలు తగ్గటం వాళ్ళ కోళ్ల మరణాల రేటు తగ్గి పోయింది. దాంతో మార్కెట్లోకి కోళ్ల సరఫరా మెరుగైంది. వచ్చే రెండు నెలల్లో ధరల్లో పెద్ద మార్పులు ఉండక పోవచ్చున్నాని చికెన్ సెంటర్ల నిర్వాహకులు అభిప్రాయపడుతున్నారు. ఇక మీదట కిలో చికెన్ ధరలు రూ 150 నుంచి రూ 175 మధ్యలో ఉండొచ్చని తెలిపారు. సో, అందుబాటులోకొచ్చిన ధరలతో చికెన్ వినియోగం మళ్ళీ భారీగా పెరిగే అవకాశం ఉందని మార్కెట్ వర్గాలు విశ్లేషిస్తున్నాయి.