ఉద్యోగులకు గుడ్ న్యూస్. నేషనల్ ఇన్వెస్ట్ పెన్షన్ సిస్టంలో (NPS) ఇన్వెస్ట్ చేసే ప్రతి సబ్‌స్క్రైబర్ ఆనందించే వార్త తెలిపింది. ఇప్పటికే కేంద్ర ప్రభుత్వం NPS విత్ డ్రాల్స్ పైన పన్ను మినహాయింపు పరిమితిని పెంచాలని తాజా బడ్జెట్‌లో ప్రతిపాదించింది. ఏడో వేతన సంఘం సిఫార్సుల మేరకు తాజా బడ్జెట్‌లో NPSలో పలు మార్లుపు ప్రతిపాదించింది.

ఇందులో ఆదాయపన్ను మినహాయింపు ఉంది. రిటైర్మెంట్ పెన్షన్ స్కీం నుంచి ఉపసంహరణపై ఇన్‌కంట్యాక్స్ మినహాయింపు పరిమితిని పెంచారు. ఇప్పటి వరకు ఉద్యోగుల పదవీ విరమణ అనంతరం NPS నుంచి 60 శాతం సొమ్మును విత్ డ్రా చేసుకోవచ్చు. మిగతా 40 శాతం యాన్యుటీ ప్లాన్‌లో ఇన్వెస్ట్ చేస్తారు. విత్ డ్రా చేసుకున్న 60 శాతం మొత్తంలో 40 శాతం సొమ్ముకు ఆదాయ పన్ను మినహాయింపు ఉంది. మిగతా 20 శాతంపై పన్ను ఉంది. తాజా బడ్జెట్‌లో ఈ మినహాయింపు పరిమితిని 40 శాతం నుంచి 60 శాతానికి పెంచాలని ప్రతిపాదించారు. అంటే NPS నుంచి విత్ డ్రా చేస్తే పన్ను మినహాయింపు ఉంది.

కేంద్ర ప్రభుత్వ ఉద్యోగులకు టయర్ 1 అకౌంట్‌ను 10 శాతం నుంచి 14 శాతానికి పెంచుతూ కేంద్ర కేబినెట్ ఆమోదం తెలిపింది. జనవరి 1 లేదా ఆ తర్వాత చేరిన ఉద్యోగులు NPS కిందకు వస్తారు. సెంట్రల్ గవర్నమెంట్ ఉద్యోగుల కంపల్సరీ కాంట్రిబ్యూషన్ బేసిక్ శాలరీలో 10 శాతం. ఇప్పుడు టయర్ 2 NPS అకౌంట్ కాంట్రిబ్యూషన్ పైన కూడా పన్ను రాయితీలు ప్రకటించింది. సెక్షన్ 80సీ కింద డిడక్షన్ ప్రతిపాదించింది. అయితే NPS సబ్‌స్క్రైబర్లు ఈ ప్రయోజనం పొందాలంటే వారి డబ్బును మూడేళ్లపాటు అకౌంట్‌లో ఉంచాలి.