ఎందుకంటే..

* 2011-12 సంవత్సరం నుంచి 2017-18 సంవత్సర మధ్య కాలంలో సగానికి సగం మంది డెవలపర్లు తగ్గిపోయారని తాజాగా ఒక నివేదిక వెల్లడించింది.

* వీరిలో కొంత మంది బడా బిల్డర్లతో చేతు లు కలపగా మరికొంత మంది తమ వ్యాపారానికి స్వస్తి పలికారు.

* గృహాలకు డిమాండ్ మందగించడం, ప్రభుత్వం ఈ రంగాన్ని నియంత్రించే విధంగా పలు నియంత్రణలు చేయడం వల్ల వాటిని చిన్న బిల్డర్లు తట్టుకోలేక పోయారు.

* చాలా మంది చిన్న డెవలపర్లు నిర్దేశిత సమయంలో ఇళ్లను కొనుగోలు దారులకు ఇవ్వలేక పోయారు. ఫలితంగా ఇలాంటి వారిపై కొనుగోలు దారుల్లో విశ్వాసం సన్నగిల్లుతూ వచ్చింది.

* 2011-12 లో హైదరాబాద్, గురుగ్రామ్, నోయిడా, ముంబై, థానే, పూణే , బెంగళూరు, చెన్నై, కోల్‌కతా లో 3,538 మంది డెవలపర్లు ఉండేవారు. 2017-18 సంవత్సరం నాటికీ వీరి సంఖ్య 51 శాతం తగ్గి 1,745కు చేరుకుంది.

* సమీక్ష కాలంలో గురుగ్రామ్, నోయిడా, చెన్నై నగరాల్లో డెవలపర్ల సంఖ్య 70-80 శాతం తగ్గింది. కోల్ కతా, బెంగళూరు, హైదరాబాద్ లో 60-65 శాతం మంది డెవలపర్లు తగ్గారు. థానేలో 48 శాతం మంది, ముంబైలో 32 శాతం మంది తగ్గిపోయారు.

మారుతున్న కొనుగోలుదారుల ధోరణి

* ఇళ్లను, అపార్టుమెంట్లను కొనుగోలు చేసే వారి ఆలోచనా ధోరణి మారుతోంది. తాము అనుకున్న సమయానికి ఇంటిని అందించే వారికే ప్రాధాన్యం ఇస్తున్నారు. ఇంటి నిర్మాణంలో నాణ్యత ప్రమాణాలు పాటించే వారిని ఎంచుకుంటున్నారు.

* కాస్త ఎక్కువ మొత్తం చెల్లించినా సరే గాని ఇల్లు మాత్రం ధృడంగా ఉండాలని కోరుకుంటున్నారు.

* బడా కంపెనీలు అన్ని రకాల నియమ నిబంధనలు పాటిస్తున్నాయి. చెప్పిన కాలానికి అపార్ట్మెంట్ ను డెలివరీ చేస్తున్నాయి.

* చిన్న డెవలపర్లు ఇళ్లను కొనుగోలు చేసిన వారిని ఇబ్బందులకు గురిచేస్తున్నారు. చెప్పిన సమయానికి ఇంటిని పూర్తి చేయడం లేదు.

* ఇల్లు కొనుగోలు చేయాలంటే రుణం తీసుకోవడం తప్పనిసరి. పెద్ద బిల్డర్లు రుణ సదుపాయాలను ఏర్పాటు చేస్తున్నారు.

* అపార్టుమెంట్ల నిర్వహణ విషయంలోనూ పెద్ద కంపనీలు పక్కాగా ఉంటున్నాయి.

* ఇలాంటి అంశాలను దృష్టిలో ఉంచుకొని పేరున్న కంపెనీలను కొనుగోలుదారులు ఎంచుకుంటున్నారు.

నిబంధనలు కఠినతరం

* రియాల్టీ రంగంలో నల్లధన ప్రవాహం భారీ స్థాయిలో జరుగుతుందని గ్రహించిన ప్రభుత్వం ఈ రంగంలో జరిగే లావాదేవీలపై దృష్టి సారించింది.

* చిన్న డెవలపర్లు ఆర్ధిక ఇబ్బందులను తట్టుకోలేక పోతున్నారు. తాము చేపట్టిన ప్రాజెక్టులను నిర్దేశిత కాలంలో పూర్తి చేయలేక పోతున్నారు.

* పెద్ద నోట్ల రద్దు, వస్తుసేవల పన్ను, రియల్ ఎస్టేట్ రెగ్యులేటరీ అథారిటీ వంటివి చిన్న డెవలపర్లకు శాపంలా మారాయి.