భారీ నష్టాలే కారణం

ఫుడ్ డెలివరీ లో నింగనమైన స్విగ్గి, జొమాటో, ఫాసోస్, ఫుడ్ పాండా, ఉబెర్ ఇట్స్ వంటి కంపెనీలు భారీ నష్టాలను చవి చూస్తున్నాయి. వీటిలో ఇన్వెస్ట్ చేసిన పెట్టుబడి దారులు నష్టాలను తగ్గించుకొని లాభాల బాట లో పయనించాలని ఒత్తిడి తెస్తున్నారు. భారీ డిస్కౌంట్స్ ఇవ్వక పొతే కస్టమర్లు ఆన్లైన్ లో ఫుడ్ ఆర్డర్ చేయడం లేదు. అందుకే వీటిపై ఒత్తిడి పెరుగుతోంది. కొత్త కస్టమర్లను ఆకర్షించటం లేదా ఉన్న వారిని మళ్ళీ మళ్ళీ ఆర్డర్ చేసేలా చూడటం వీటికి కష్టతరం అవుతోంది. ఈ ఇబ్బందుల నుంచి పుట్టిందే క్లౌడ్ కిచెన్ ఐడియా.

కొత్తదేమీ కాదు కానీ ...

పేరు కొత్తది కానీ ... క్లౌడ్ కిచెన్ విధానం లో ఫుడ్ సరఫరా అనేది పాత విధానమే. మన హైదరాబాద్ లోనే చాల చైన్ రెస్టారెంట్లు ... బిర్యానీ విక్రయించే స్టాళ్లు ఈ పద్దతిని పాటిస్తున్నాయి. అయితే దీనిని పెద్ద ఎత్తున అమలు చేయడం మాత్రం ఇటీవలే ఊపందుకొంటోంది. బెంగళూరు, పూణే, ఢిల్లీ, ముంబై, చెన్నై, హైదరాబాద్ నగరాల్లో ఈ పద్ధతికి మంచి ఆదరణ లభిస్తోంది.

మెరుగైన వ్యాపార అవకాశం...

క్లౌడ్ కిచెన్ పధ్ధతిలో మెరుగైన వ్యాపార అవకాశాలు ఉన్నాయని నిపులును పేర్కొంటున్నారు. అతి తక్కువ ఖర్చులో పెద్ద మొత్తంలో ఆహారాన్ని సిద్ధం చేయడం, ఒకసారి అనేక ప్రాంతాలకు సమయానికి సరఫరా చేయగలగడం దీని ప్రత్యేకత. ఒకే క్లౌడ్ కిచెన్ లో వివిధ రెస్టారెంట్ల చెఫ్ లు కలిసి కూడా వారివారి మెనూ ఆధారంగా ఆహారాన్ని సిద్ధం చేసుకోవచ్చు. తద్వారా ఖర్చులను పంచుకోవచ్చు. వాహనాల్ని సైతం సంయుక్తంగా నిర్వహించు కోవచ్చు. ఈ రంగంలో కార్యకలాపాలు నిర్వహిస్తున్న స్టార్టుప్ కంపెనీలకు ఇన్వెస్టర్లు పెద్ద ఎత్తున పెట్టుబడులు సమకూర్చు తుండటం వాళ్ళ కొత్త ఔత్సాహక పారిశ్రామికవేత్తలు పుట్టుకొచ్చే అవకాశం ఉంది.