శాన్‌ఫ్రాన్సిస్కో: సోషల్ మీడియా ఫేస్‌బుక్‌కు చెందిన ఆఫీసులను ఖాళీ చేశారు. ఇద్దరు ఉద్యోగులు నాడీ వ్యవస్థపై ప్రభావం చూపే సారిన్ అనే విషవాయువు బారినపడినట్లుగా గుర్తించారు. దీంతో సిలికాన్ వ్యాలీలోని ఈ మూడు కార్యాలయాలను కంపెనీ వర్గాలు సోమవారం ఖాళీ చేయించాయి. కంపెనీకి వచ్చిన ఓ పార్సిల్‌లో విషవాయువులు గుర్తించారు.

అనుమానిత పార్సిల్‌ను తాకిన ఇద్దరు ఉద్యోగుల్లో విషవాయువు భారిన పడ్డారు. దీంతో అప్రమత్తమైన కంపెనీ నిబంధనల ప్రకారం ప్రమాద నివారణ చర్యలు తీసుకుంది. సమాచారం అందుకున్న ఫైర్ మార్షల్స్ సంఘటన స్థలానికి చేరుకొని కంపెనీకి వచ్చిన పార్సిల్ విభాగాన్ని తనిఖీ చేశారు. విచారణ జరుపుతున్నారు. ఫెడరల్ బ్యూరో ఆఫ్ ఇన్వెస్టిగేషన్ (FBI) కూడా దృష్టి సారించింది.

వచ్చే పార్సిల్స్‌ను ఫేస్‌బుక్ క్షుణ్ణంగా తనిఖీ చేస్తుందని, ఈ ప్రమాదం కారణంగా వారి ప్రోటోకాల్ ప్రకారం కార్యాలయాలు ఖాళీ చేశారని, విచారణలో తేలుతుందని చెబుతున్నారు. ఫేస్‌బుక్ అధికార ప్రతినిధి ఆంటోనీ హారిసన్ మాట్లాడుతూ... నాలుగు కార్యాలయాలు ఖాళీ చేశామని, పోలీసు విచారణకు సహకరిస్తామని చెప్పారు.

అధికారులు ఇంకా వస్తువును గుర్తించలేదని, ఖాళీ చేసిన నాలుగు భవంతుల్లో మూడు భవనాలను తిరిగి ఉపయోగించనున్నట్లు హారిసన్ వెల్లడించారు. ప్రాణాంతక సారిన్ ఉన్నట్లుగా గుర్తించినట్లుగా తెలుస్తోంది. సారిన్ విషవాయువు అత్యంత ప్రమాదకరం.