హోమ్ బయ్యర్స్ ఏం కోరుకుంటున్నారు..

నిలిచిపోయిన ప్రాజెక్టుల్ని పూర్తి చేసేందుకు నిధిని ఏర్పాటు చేయాలని FPCE కోరుకుంటోంది. దేశంలో 5 లక్షలమందికి పైగా హోమ్ బయ్యర్స్ సంపాదన వివిధ ప్రాజెక్టుల్లో నిలిచిపోయిందని, ఈ ప్రాజెక్టుల డెవలపర్స్ బ్యాంక్రఫ్ట్ లేదా నిధుల్ని దారి మళ్లించడం లేదా అనుమతులు రాకపోవడం వంటి కారణాలతో ఈ ప్రాజెక్టులు నిలిచిపోయాయని, ఇవి ముందుకు సాగడానికి ప్రభుత్వం రూ.10,000 కోట్లతో ఫండ్ ఏర్పాటు చేయాలని కోరింది.

అయిదేళ్ల కాలపరిమితిలో పూర్తయ్యేలా...

రియల్ ఎస్టేట్ రంగంలో ప్రాజెక్టులు ఆలస్యం ఈ రంగానికి శాపం వంటిదని చెబుతున్నారు. కాబట్టి నిలిచిపోయిన ప్రాజెక్టుల కోసం ఫండ్ ఏర్పాటు చేసి, అయిదేళ్ల కాలపరిమితిలో పూర్తయ్యేలా చూడాలని కోరుకుంటున్నారు. ఇలా చేస్తే ఈ రంగం వేగంగా ముందుకు వెళ్తుందని, ఈ సెక్టార్ పైన తిరిగి విశ్వాసం ఏర్పడుతుందని, కఠిన రెరా అమలుతో మళ్లీ ఇలా జాప్యం జరగకుండా ఉంటుందని ఆశిస్తున్నారు.

డిస్ట్రెస్ ఫండ్‌తో..

ప్రాజెక్టులు ముందుకు సాగేందుకు డిస్ట్రెస్ ఫండ్ ఏర్పాటు చేయడంతో పాటు హోమ్ బయ్యర్స్‌ను ప్రైమరీ సెక్యూర్డ్ క్రెడిటర్స్‌గా కేటగరైజ్ చేయాలని కోరుకుంటోంది. కేంద్రం ఈ దిశగా బిల్లు తీసుకు రావాలని కోరుతోంది. కాగా, అనరాక్ డేటా ప్రకారం టాప్ 7 సిటీల్లో రూ.4,51,750 కోట్ల విలువైన నిర్మాణాల్లో జాప్యం జరుగుతోంది. ముఖ్యమంగా ఎంఎంఆర్ (Mumbai Metropolitan Region), ఎన్‌సీఆర్‌‌లోనే ఎక్కువమంది ఉన్నారు.