ప్రముఖ ఐటీ దిగ్గజ కంపెనీ ఇన్ఫోసిస్ వాహన కంపెనీ టయోటాతో జట్టుకట్టింది. టయోటా అనుబంధ సంస్థగా ఉన్న టయోటా మెటీరియల్ హోల్డింగ్ యూరప్‌తో ఒప్పందం చేసుకుంది. ఈ ఒప్పందంలో భాగంగా ఇన్ఫోసిస్ టయోటా మెటీరియల్ హోల్డింగ్ యూరప్‌కు డిజిటల్ సేవలను అందిస్తుంది. హైబ్రిడ్ క్లౌడ్ ప్లాట్‌ఫాం ద్వారా అప్లికేషన్ సర్వీసెస్, డిజిటల్ వర్క్ ప్లేస్, ఇన్ఫ్రాస్ట్రక్చర్ నిర్వహణ డేటా సెంటర్ ఆపరేషన్ సేవలను ఇన్ఫోసిస్ అందించనుంది.

అత్యాధునిక ఆర్టిఫిషియల్ ఇంటెలిజెన్స్, ఆటోమేషన్ ఉపయోగించి అధునాతన సేవలను టీఎంహెచ్ఈకి అందస్తామని ఇన్ఫోసిస్ బీఎస్‌ఈ ఫైలింగ్‌లో పేర్కొంది."మేము టీఎంహెచ్‌ఈ డిజిటల్‌ ట్రాన్స్‌ఫర్మేషన్‌ ప్రయాణంలో కలిసి పనిచేసేందుకు సంతోషిస్తున్నాము. మా వృత్తి నిపుణల బృందంతో పూర్తి స్థాయి సేవలను అందిస్తాము." అని ఇన్ఫోసిస్‌ ప్రతినిధి జస్మీత్‌ సింగ్‌ తెలిపారు.

ఇండస్ట్రియల్ టెక్నాలజీలో లీడర్లుగా ఉన్న తాము డిజిటల్ ట్రాన్స్‌ఫర్మేషన్‌ను నిలకడగా, వినూత్న పద్దతిలో కొనసాగిస్తామని టీఎంహెచ్ఈ సీఐఓ జాన్ క్రూస్ అన్నారు. కొత్త టెక్నాలజీ వినియోగించడం ద్వారా తమ సంస్థ మరింత బలోపేతం అవుతుందని క్రూస్ చెప్పారు.