బిగ్‌బాస్ సీజన్ 13 కోసం సూపర్‌స్టార్ సల్మాన్ ఖాన్ భారీగానే పారితోషికం తీసుకుంటున్నారట. రూ.400 కోట్లకు పైనా రెమ్యునరేషన్ అడిగారట. ఈ మేరకు బాలీవుడ్‌లే పెద్ద ఎత్తున ప్రచారం సాగుతోంది. ఈ షోలో 26 (13 శనివారం, 13 ఆదివారం) ఎపిసోడ్లు ఉంటాయి. శనివారం, ఆదివారం ప్రసారమయ్యే ఎపిసోడ్‌కు సల్మాన్ ఖాన్ రూ.31 కోట్లు అడిగినట్లుగా తెలుస్తోంది. హిందీ బిగ్‌బాస్ షోకు సల్మాన్ ఖాన్ వ్యాఖ్యాతగా ఉన్న విషయం తెలిసిందే.

ఆయన స్థానాన్ని మరొకరితో భర్తీ చేయలేక నిర్వాహకులు సల్మాన్ ఖాన్ అడిగినంత రెమ్యునరేషన్ ఇచ్చేందుకు సిద్ధపడ్డారట. ఇది నిజమైతే ఓ టీవీ షోకు అత్యధిక రెమ్యునరేషన్ తీసుకున్న ఇండియన్ సెలబ్రిటీల్లో సల్మాన్ ఖాన్ ముందుంటారు. సెప్టెంబర్‌29 నుంచి బిగ్‌బాస్ సీజన్ 13 ప్రారంభం కానుంది. 2020 జనవరి 10న ప్రసారమయ్యే గ్రాండ్ ఫైనల్‌తో ముగుస్తుంది.

ఇప్పటి వరకు సల్మాన్ ఖాన్ ఒక్కో ఎపిసోడ్‌కు రూ.12-14 కోట్లు తీసుకున్నారు. బిగ్‌బాస్ 13కు మాత్రం రూ.31 కోట్ల చొప్పున మొత్తంగా రూ.400 కోట్లకు పైగా రెమ్యునరేషన్ తీసుకుంటున్నారని చెబుతున్నారు.