రెండో అతిపెద్ద సంస్థ అవుతుంది

ఈ విక్రయానికి షేర్ హోల్డర్స్, నియంత్రణ సంస్థల అనుమతులు లభించవలసి ఉంది. ఈ డీల్ పూర్తి కావడానికి తొమ్మిది నెలల సమయం పట్టవచ్చునని భావిస్తున్నారు. HDFC ఎర్గోలో విలీనం తర్వాత ఈ సంస్థ టర్నోవర్ రూ.10,807 కోట్లుగా ఉంటుందని భావిస్తున్నారు. దీంతో రెండో అతిపెద్ద ఇన్సురెన్స్ సంస్థ అవుతుంది. అపోలో మునిచ్ హెల్త్ ఇన్సురెన్స్‌లో మునిచ్ వాటా 49 శాతం.

రెండు దశల్లో డీల్ పూర్తి

అపోలోకు HDFC చెల్లించే రూ.1,347 కోట్లతో పాటు.. జర్మనీకి చెందిన బీమా రంగ సంస్థ మునిచ్ హెల్త్ కూడా రూ.294 కోట్లు చెల్లించనుంది. అంటే అపోలో మొత్తం రూ.1,630 కోట్లు రానున్నాయి. రెండు కంపెనీల విలీనం ద్వారా మనుగడలోకి వచ్చే కంపెనీ దేశవ్యాప్తంగా 308 శాఖలతో నాన్ లైఫ్ బీమా విభాగంలో 6.4 శాతం వాటా కలిగి ఉంటుంది. ఈ ప్రక్రియ రెండు దశల్లో జరగనుంది. మొదట నేషనల్ హౌసింగ్ బ్యాంక్, ఇన్సురెన్స్ రెగ్యులేటర్ అండ్ డెవలప్‌మెంట్ అథారిటీ ఆఫ్ ఇండియా (Irdai), కాంపిటీషన్ కమిషన్ ఆఫ్ ఇండియా అప్రూవల్స్‌తో తొలుత 51.2 వాటాను HDFC దక్కించుకుంటుంది. రెండో దశలో నేషనల్ కంపెనీ లా ట్రైబ్యునల్, Irdai అప్రూవల్స్ అనంతరం HDFC ఎర్గోలో అపోలో మునిచ్ విలీనం ఉంటుంది.

నాలుగు రెట్లు..

జర్మన్ సంస్థ మునిచ్‌ హెల్త్ భాగస్వామ్యంతో అపోలో మునిచ్‌ను అపోలో హాస్పిటల్స్‌ నెలకొల్పింది. 2006 నుంచి ఈ సంయుక్త సంస్థలో రూ.300 కోట్లు వరకు పెట్టుబడులు పెట్టింది. ఈ కొనుగోలు ప్రతిపాదనలో భాగంగా అపోలో హాస్పిటల్స్‌కు HDFC చెల్లించనున్న ఒక్కో షేర్‌కు రూ.73 లేదా రూ.1,336 కోట్లను పరిగణనలోకి తీసుకుంటే పెట్టిన పెట్టుబడిపై నాలుగు రెట్లకు పైగానే రానుంది. HDFC ఎర్గోలో ఎర్గో ఇంటర్నేషనల్‌ కూడా 49 శాతం వాటా ఉంది. 2016లో HDFC ఎర్గో.. ఎల్ అండ్ టీ జనరల్ ఇన్సురెన్స్ కంపెనీ లిమిటెడ్‌కు చెందిన 100 శాతం వాటాను రూ.551 కోట్లకు దక్కించుకుంది. ఇది ఎంతో ఉపకరించింది.