రిలయన్స్ జియో కార్యకలాపాల విస్తరణ కోసం

రిలయన్స్ జియో తన కార్యకలాపాల విస్తరణ కోసం 4 బిలియన్ నాన్ క్యుమ్యులేటివ్ షేర్లను ఇష్యూ చేయనుంది. వీటిని ఆ తర్వాత ప్రిఫరెన్షియల్ షేర్లుగా కూడా మార్చుకునె వెసులుబాటు ఉంటుంది. వీటి విలువ రూ.50గా ఉండనుంది. రిలయన్స్ జియో ఆపరేషన్స్ పెంచేందుకు ఈ మొత్తాన్ని (రూ.20వేల కోట్లు) ఉపయోగిస్తామని, అందుకే నాన్ క్యుమ్యులేటివ్ షేర్లు ఇష్యూ చేస్తామని, వీటి వడ్డీ రేటు 9 శాతంగా ఉండనుందని సంబంధిత అధికారులు పేర్కొన్నారని చెబుతున్నారు.

బ్రాండ్‌బాండ్ సేవలపై దృష్టి

రిలయన్స్ దినదినాభివృద్ధి కోసం వరుసగా ఇన్వెస్ట్ చేస్తోంది. మార్చి 31వ తేదీ నాటికి RIL ఔట్‌స్టాండింగ్ డెబిట్ రూ.2.87 ట్రిలియన్లు. జియోలో రూ.69,000 కోట్ల పెట్టుబడుల కారణంగా ఆ మేరకు పెరిగింది. ప్రస్తుతం జియో అండర్‌సర్వ్‌డ్ హోమ్స్, ఎంటర్‌ప్రైజెస్ కనెక్టివిటీ మార్కెట్ పైన దృష్టి సారించింది. మొబిలిటీ సేవలతో పాటు గిగాఫైబర్ బ్రాండ్‌బాండ్ సేవలపై దృష్టి సారించింది.

జియో టవర్ నిర్మాణం కోసం పోలీసుల ప్రొటక్షన్

ఇదిలా ఉండగా, తమిళనాడులోని కోయంబత్తూరులో రిలయన్స్ జియో సెల్ ఫోన్ టవర్ నిర్మాణం నేపథ్యంలో జియో టీమ్‌కు పోలీస్ ప్రొటక్షన్ ఇవ్వాలని మద్రాస్ హైకోర్టు పోలీసులను ఆదేశించింది. రేడియేషన్ కారణాలతో ఈ నిర్మాణంపై అభ్యంతరాలు వ్యక్తం కాగా, అవి నిరూపితం కాలేదని కోర్టు పేర్కొంది. ఈ మేరకు స్థానికులు ఇక్కడ సెల్ టవర్ ఏర్పాటును నిరసిస్తూ నిరసనలు చేపట్టారు. దీంతో జియో పోలీసులను ఆశ్రయించింది. వారు స్పందించలేదు. దీంతో కంపెనీ హైకోర్టును ఆశ్రయించింది. కోర్టు తీర్పు రిలయన్స్ జియోకు అనుకూలంగా వచ్చింది.