అమెరికా దెబ్బకు చైనాను వదులుతున్న కంపెనీలు

తాము అధిక టారిఫ్‌లు విధిస్తామని ట్రంప్ గత సెప్టెంబర్‌లో చెప్పినప్పటి నుంచే ఈ సైకిళ్ల తయారీ కంపెనీ ప్రత్యామ్నాయంపై దృష్టి సారించింది. ట్రంప్ నోరు మూయకముందే తాము వెళ్లేందుకు సిద్ధమయ్యామన్నారు. తద్వారా ట్రంప్ తమపై టారిఫ్ విధించకముందే వెళ్తున్నట్లుగా చెప్పారు. ట్రంప్ టారిఫ్ దెబ్బకు చైనా నుంచి పలు కంపెనీలు వలస పోతున్నాయి. కొన్ని కంపెనీలు అమెరికాకు, మరికొన్ని ఇతర దేశాలకు వెళ్తున్నాయి.

జెయింట్ దారిలోనే మరిన్ని కంపెనీలు

అమెరికా - చైనా మధ్య వాణిజ్య యుద్ధం నేపథ్యంలో పలు కంపెనీలు చైనా నుంచి తరలి వెళ్తున్నాయి. తమ సరఫరాదారుల విషయంలో మరోసారి సమీక్షిస్తామని ఇంటెల్ కార్ప్ పేర్కొంది. కన్స్యూమర్ గూడ్స్ సప్లయర్ Li & Fung Ltd స్పందిస్తూ... ఈ వాణిజ్య యుద్ధం తమను మరోవైపు వెళ్లేలా చేస్తోందని వ్యాఖ్యానించింది. చైనాకు చెందిన దాదాపు రెండు వందల సంస్థలు భారత్ వైపు కూడా చూస్తున్నాయట. రాబోయే ఏడాదిన్నరలో ప్రభుత్వం కొన్ని విధానపరమైన మార్పులు చేస్తే కంపెనీల వస్తాయని అంటున్నారు.

గత ఏడాదే గుర్తించా...

తాజాగా, జెయింట్‌కు చెందిన బోన్నిటు మాట్లాడుతూ... మేడిన్ చైనా మరియు ఇక్కడి నుంచి ప్రపంచవ్యాప్తంగా సరఫరా అంశం ముగిసిన యుగం అని, దీనిని తాను గత ఏడాది గుర్తించానని చెప్పారు. ఇప్పటికే ఈ మౌంటేన్ అండ్ రేసింగ్ సైకిల్స్ తయారీ సంస్థ.. జెయింట్ 2018 చివరి దశలోనే చైనాలోని తమ ప్లాంట్ ఒకదానిని క్లోజ్ చేసింది. జెయింట్ గత ఏడాది జూలై నెలలో హంగేరీలో ఓ ఫ్యాక్టరీని తెరిచింది. జెయింట్‌కు తైవాన్, నెదర్లాండ్స్‌లో ప్లాంట్స్ ఉన్నాయి. చైనాలో మరో ఐదు ప్లాంట్లు ఉన్నాయి. దక్షిణాసియాలో ఓ భాగస్వామి కోసం చూస్తోంది.

ట్రేడ్ వార్ కంటే బెట్టర్

చైనాలో ఒక సైకిల్ తయారు చేసి అమెరికాకు ఎగుమతి చేయాలంటే 100 డాలర్ల వరకు టారిఫ్ చెల్లించాల్సిన పరిస్థితి. అదే జీరో టారిఫ్ దేశాల నుంచి ఎగుమతి చేస్తే మిగులు అవుతుంది దీంతో ఆ సంస్థ తైవాన్‌కు వెళ్తోంది. అయితే తైవాన్‌లో ఉద్యోగుల వేతనాలు ఎక్కువ. విడి విభాగల సరఫరా వేగంగా ఉండదు. కానీ ట్రేడ్ వార్ కంటే ఇది బెట్టర్ అని జెయింట్ ఆలోచిస్తోంది.