For Quick Alerts
ALLOW NOTIFICATIONS  
For Daily Alerts

చమురు ట్యాంకర్లపై దాడులు: భారత్ సహా ఆసియా దేశాలకు షాక్

|

హర్మూజ్ జలసంధిలో రెండు చమురు నౌకలపై దాడి నేపథ్యంలో ఆసియాలోని చమురు దిగుమతి దేశాలు ఆందోళన చెందుతున్నాయి. ఇప్పటికే ఇంధన ధరలు పెరుగుతున్నాయి. దీనికి తోడు దాడి నేపథ్యంలో ఆసియా దేశాలకు మరింత చమురు భయం పట్టుకుంది. నార్వేకు చెందిన ఫ్రంట్ ఆల్‌టైర్, జపాన్‌కు చెందిన కొకుకా కరేజస్ ఆయిల్ ట్యాంకర్లపై దాడులు జరిగాయి. ఫ్రంట్ ఆల్‌టైర్ నౌక ఇథెనాల్‌తో ఖతార్ నుంచి తైవాన్‌కు, కొకుకా కరేజస్ నౌక మిథెనాల్‌తో సౌదీ అరేబియా నుంచి సింగపూర్‌కు వెళ్తున్నాయి. ఈ సమయంలో దాడులు జరిగాయి.

ఏపీలో స్కూల్‌కు పంపిస్తే రూ.15,000! ఏ పథకం.. ఎంత లబ్ధి!!

జపాన్ 80 శాతం ఆయిల్ దిగుమతులు ఇక్కడి నుంచే

జపాన్ 80 శాతం ఆయిల్ దిగుమతులు ఇక్కడి నుంచే

ప్రపంచవ్యాప్తంగా ఎక్కువ ఆయిల్ రవాణా.. దాదాపు అయిదో వంతు హర్మూజ్ జలసంధి ద్వారానే రవాణా అవుతోంది. ఆసియా దేశాలకు ఇది ఎంతో కీలకం. మిడిల్ ఈస్ట్ నుంచి జపాన్ దాదాపు 80 శాతం ఆయిల్‌ను దిగుమతి చేసుకుంటోంది. అమెరికా, చైనా, భారత్ తర్వాత ఎక్కువ ఆయిల్ ఉపయోగించే దేశం జపాన్. అలాగే ఇండోనేషియాది అదే పరిస్థితి. అలాంటి జలసంధిపై దాడులు ఆందోళనకు గురి చేస్తున్నాయి. ఇరాన్, ఇరాక్, సౌదీ అరేబియా వంటి చమురు ఉత్పత్తి దేశాల నుంచి చైనా, జపాన్, భారత్ వంటి ఆసియా దేశాలకు హర్మూజ్ సంధి కీలకం. మరోవైపు దాడులు జరిగిన తర్వాత అంతర్జాతీయ మార్కెట్లో బ్రెంట్ క్రూడాయిల్ ఫ్యూచర్స్ 3.65 శాతం పెరిగింది.

ఇరాన్‌వైపు అమెరికా వేళ్లు

ఇరాన్‌వైపు అమెరికా వేళ్లు

ఈ దాడులపై జపాన్‌కు చెందిన ఎకానమి, ట్రేడ్ అండ్ ఇండస్ట్రీ మినిస్టర్ హిరోషిగె సేకో మాట్లాడుతూ... తాము ఈ అంశంపై దృష్టి సారించామన్నారు. గ్రూప్ 20 సమావేశంలో దీనిని ప్రస్తావిస్తామని శుక్రవారమే చెప్పారు. మరోవైపు, ఈ దాడుల పని ఇరాన్ సైన్యానిదేనని అమెరికా ఆరోపిస్తోంది. తమపై ఆంక్షల నేపథ్యంలో ఈ జలసంధిని క్లోజ్ చేస్తామని గతంలో ఇరాన్ అల్టిమేటం జారీ చేసింది. ఇరాన్-అమెరికా మధ్య సంబంధాలు మరింత దిగజారుతున్న విషయం తెలిసిందే.

భారత్‌కు ఇబ్బందే

భారత్‌కు ఇబ్బందే

హర్మూజ్ జలసంధి వద్ద దాడి భారత్‌కు కూడా చమురుపరంగా ఇబ్బందికరమే. మరో దారిలో చమురు దిగుమతులు చేసుకుంటే ఖర్చులు పెరుగుతాయి. ఈ ప్రభావం వినియోగదారులపై పడుతుంది. ఈ దాడులపై అన్ని దేశాలు తక్షణమే దృష్టి సారించాల్సిన అవసరముందని నిపుణులు చెబుతున్నారు.

English summary

Middle East attack jolts oil import dependent Asia

The blasts detonated far from the bustling megacities of Asia, but the attack this week on two tankers in the strategic Strait of Hormuz hits at the heart of the region's oil import-dependent economies.
Story first published: Sunday, June 16, 2019, 15:05 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X