హైదరాబాద్: భాగ్యనగరం ప్రజలకు శుభవార్త. ఇళ్ల కొనుగోలుదారుల కోసం ఓ డెస్టినేషన్ వచ్చింది. హోమ్ షాపీ (Home Shopee) పేరుతో ప్రభుత్వరంగ బ్యాంకు ఎస్బీఐ సరికొత్త నిర్మాణ రంగ ఆధారిత మార్కెటింగ్ సౌకర్యాన్ని అందుబాటులోకి తీసుకు వచ్చింది.

హైటెక్ సిటీలోని ఐకియా దగ్గరలో ఏర్పాటైన ఈ హోంషాపీలో ఎస్బీఐ ఆమోదం పొందిన, ప్రముఖ డెవలపర్లు చేపట్టిన రెసిడెన్షియల్ ప్రాజెక్టులపై డిజిటల్ ప్రదర్శన ఇస్తారు. రెసిడెన్షియల్ ప్రాజెక్టుల గురించి సమాచారం అందించేందుకు గాను ఎస్బీఐ 'Destination: The Home Shoppe'ని ప్రారంభించింది.

ఎస్బీఐ హైదరాబాద్ చీఫ్ జనరల్ మేనేజర్ ఓం ప్రకాశ్ మిశ్రా సమక్షంలో బ్యాంక్ డిప్యూటీ మేనేజింగ్ డైరెక్టర్ స్వామినాథన్ ఈ కేంద్రాన్ని ప్రారంభించారు. హోమ్ షాపీలో ప్రముఖ డెవలపర్లు చేపడుతున్న రెసిడెన్షియల్ ప్రాజెక్టులతో పాటు ఎస్బీఐ ఆమోదం పొందిన ప్రాజెక్టులను ప్రదర్శిస్తారు. కొనుగోలుదారులు ఈ సెంటర్‌ను సందర్శించి ప్రాజెక్టులకు సంబంధించిన వివరాలు తెలుసుకోవచ్చు.

ఎస్బీఐ హైదరాబాద్ చీఫ్ జనరల్ మేనేజర్ ఓం ప్రకాశ్ మిశ్రా సమక్షంలో బ్యాంక్ డిప్యూటీ మేనేజింగ్ డైరెక్టర్ స్వామినాథన్ ప్రారంభించిన ఈ కార్యక్రమానికి ఇతర సీనియర్ అధికారులతో పాటు క్రెడాయ్, ట్రెడా, టీబీజీ తదితర ఇండస్ట్రీ సంఘాల ప్రతినిధులు హాజరయ్యారు.