మారుతీ సుజుకీ సెడాన్ డిజైర్ వచ్చి పదేళ్లు దాటింది. ఇది ఇప్పటికే ఆ సెగ్మెంట్ నెంబర్ వన్‌గా ఉంది. మారుతీ సుజుకీ కంపాక్ట్ సెడాన్ కారును ఇప్పటి వరకు 19 లక్షల మంది కొనుగోలు చేశారు. 2018-19 ఆర్థిక సంవత్సరంలో మారుతీ సుజుకీ 2.5 లక్షల డిజైర్ (Dzire) కార్లను విక్రయించింది. అంటే నెలకు సగటున 21,000 కార్లను అమ్ముడుపోయాయి. మారుతీ సుజుకీ డేటా ప్రకారం కంపాక్ట్ సెడాన్ సెగ్మెంట్‌లో Dzire మార్కెట్ షేర్ 55 శాతం. ప్రతి రెండు నిమిషాలకు ఓ కారు అమ్ముడు పోతోంది.

మారుతీ సుజుకీ జర్నీలో Dzire కారు పాత్ర కీలకమైనదని మారుతీ సుజుకీ లిమిటెడ్ మార్కెటింగ్ అండ్ సేల్స్ ఎగ్జిక్యూటివ్ డైరెక్టర్ వెల్లడించారు. కస్టమర్లకు కృతజ్ఞతలు తెలియజేశారు. Dzire లాంచ్‌తోనే తాము కంపాక్ట్ సెడాన్ సెగ్మెంట్ తీసుకు వచ్చామన్నారు. వినియోగదారులు ఈ కారుతో సంతృప్తిగా ఉన్నారని అభిప్రాయపడ్డారు. థర్డ్ జనరేషన్ Dzire అమ్మకాలు 20 శాతం పెరిగాయని చెప్పారు.

తాము కస్టమర్ల డిమాండుకు అనుకూలమైన ఫీచర్లతో కార్లను తీసుకు వస్తున్నామని చెప్పారు. ఆరు రకాల Dzire కార్లలో ఆటో గేర్ షిఫ్ట్ (AGS) టెక్నాలజీ అందుబాటులో ఉందన్నారు. దాదాపు 13 శాతం మంది కస్టమర్లు ఆటోమేటిక్ వేరియంట్ Dzire కార్లను కొనుగోలు చేస్తున్నారని తెలిపారు. దాదాపు సగం Dzire కారు కస్టమర్లు తమ కంపాక్ట్ సెడాన్ కారును కొనుగోలు చేస్తున్నారన్నారు.