జియో యూజర్లకు గుడ్న్యూస్: వరల్డ్ కప్ ప్రత్యేక ఆఫర్, ఏం చేయాలంటే?
ప్రపంచ కప్ సందర్భంగా రిలయన్స్ జియో తమ సబ్స్క్రైబర్లకు బంపరాఫర్ ఇచ్చింది. ప్రీపెయిడ్, పోస్ట్ పెయిడ్ కస్టమర్లు జియో టీవీలో హాట్స్టార్ ద్వారా ఉచితంగా వరల్డ్ కప్ మ్యాచ్లు చూడవచ్చునని మంగళవారం నాడు ప్రకటించింది. బుధవారం భారత్ - దక్షిణాఫ్రికా మధ్య మ్యాచ్ ఉంది. ఈ మ్యాచ్కు ఒకరోజు ముందు జియో ఈ ప్రకటన చేసి, తమ కస్టమర్లకు గుడ్ న్యూస్ చెప్పింది. దీంతో ప్రతి మ్యాచ్ను ఉచితంగా చూడవచ్చు. మ్యాచ్లకు సంబంధించిన సమాచారం కూడా యాప్ ద్వారా అందిస్తోంది. మై జియో యాప్ ద్వారా పలు ఆకర్షణీయ బహుమతుల్ను గెలుచుకోవచ్చు.
PM కిసాన్ నిధి: ప్రతి రైతుకు లబ్ధితో పాటు వీరికి ప్రయోజనాలు
మ్యాచ్లు ఉచితంగా చూడాలంటే ఏం చేయాలి
ప్రపంచ కప్ క్రికెట్ ఫీవర్ నేపథ్యంలో ఈ ప్రయోజనం పొందాలంటే రూ.251 విలువ గల క్రికెట్ సీజన్ డేటా ప్యాకేజీని యాక్టివేట్ చేసుకోవాలి. ఈ రీచార్జ్ ద్వారా జియో యూజర్లు రూ.365 విలువ కలిగిన బెనిఫిట్స్ పొందవచ్చు. క్రికెట్ సీజన్ డేటా ప్యాక్ రీచార్జ్ చేసుకుంటే 51 రోజుల పాటు 2GB డేటా చొప్పున మొత్తం 51 రోజులకు 102GB హైస్పీడ్ డేటా వస్తుంది.
జియో కాంటెస్ట్
పై ప్రయోజనాలతో పాటు 'జియో క్రికెట్ ప్లే ఎలాంగ్' పోటీలో పాల్గొని బహుమతులు గెలుచుకోవచ్చు. ఈ కాంటెస్ట్ జియో, నాన్ జియో సబ్స్క్రైబర్లకు అందుబాటులో ఉంటుంది. అయితే మై జియో యాప్ డౌన్లోడ్ చేసుకోవాలి. బాల్... బాల్కు, ఓవర్.. ఓవర్కు, మ్యాచ్ పైన ప్రశ్నలు ఉంటాయి. వాటికి సమాధానాలు చెప్పడం ద్వారా పాయింట్స్ వస్తాయి. ఎక్కువ పాయింట్స్ వచ్చిన వారికి గిఫ్ట్స్ ఉంటాయి.
ఎలా చూడవచ్చు
OTT యాప్స్, జియో టీవీ ద్వారా యూజర్లు ప్రపంచకప్ మ్యాచులను వీక్షించవచ్చు.
జియో యూజర్లకు హాట్స్టార్ యాక్సెస్ ఉచితంగా లభిస్తుంది. అన్ని వరల్డ్ కప్ మ్యాచులకు నేరుగా యాక్సెస్ ఇవ్వబడింది.
క్రికెట్ సీజన్ డేటా ప్యాక్ రీచార్జ్ చేసుకున్న తర్వాత యూజర్లకు జియో టీవీ యాప్ ఓపెన్ చేయగానే హాట్స్టార్కు రీడైరెక్ట్ చేయబడుతుంది.