హైదరాబాద్: ప్రముఖ డిజిటల్ పెమెంట్స్ సంస్థ Paytm త్వరలో ఆన్లైన్ ఇన్సూరెన్సు సేవలు అందించే Coverfox అనే startup కంపెనీని కొనుగోలు చేయనుంది . ఇందుకోసం paytm ఏకంగా $100 మిలియన్ (సుమారు రూ . 700 కోట్లు ) చెల్లించనుంది . 2013లో వరుణ్ దువా , దేవేంద్ర రాణే Coverfox కంపెనీని స్థాపించారు . ముంబై కేంద్రంగా Coverfox తన సేవలను అందిస్తోంది. అయితే ఇదే తరహా సేవలను అందించే Acko అనే కంపెనీ నడిపించేందుకు వరుణ్ దువా 2017 లోనే Coverfox సంస్థను వీడారు. ఈ డీల్ కుదిరితే paytm ఫౌండర్ విజయ్ శేఖర్ శర్మకు ఇదే అతిపెద్ద కొనుగోలు అవుతుందని మార్కెట్ వర్గాలు పేర్కొంటున్నాయి.

ది ఎకనామిక్ టైమ్స్ ఈమేరకు ఒక కథనాన్ని ప్రచురించింది. జీవిత బీమా , సాధారణ బీమా పాలసీ లను ఆన్లైన్ లో విక్రయించే Coverfox , గతేడాది $100 మిలియన్ (సుమారు రూ 700 కోట్లు ) విలువైన పాలసీ లను విక్రయించి దాదాపు $22 మిలియన్ (సుమారు రూ 154 కోట్లు ) వ్యాపారాన్ని నమోదు చేసింది. ఈ కంపెనీ కి సుమారు 50,000 మంది ఏజెంట్స్ ఉన్నారు. డిజిటల్ చెల్లింపుల్లో తనదైన ముద్ర వేసిన Paytm ఈ కొత్త కంపెనీ కొనుగోలు ద్వారా Paytm మనీ విభాగంలో కూడా విస్తరించాలని భావిస్తోంది. ఈ కొనుగులు అనంతరం దేశంలో అతిపెద్దదైన బ్యాంకింగ్ , ఇన్సూరెన్సు సేవల సంస్థ Policybazar కి Paytm మనీ గట్టి పోటీదారు అవుతుంది .

ఇప్పటివరకు Coverfox దాదాపు $40 మిలియన్ (సుమారు రూ 280 కోట్లు ) పెట్టుబడి సమీకరించింది . ఇందులో సైఫ్ పార్టనర్స్, ఆక్సిల్ పార్టనర్స్ సహా ఇన్ఫోసిస్ వ్యవస్థాపకుడు ఎన్ ఆర్ నారాయణ మూర్తి కి చెందిన కాటమెరాన్ వెంచర్స్ , ఇంటర్నేషనల్ ఫైనాన్స్ కార్పొరేషన్ పెట్టుబడులు పెట్టాయి. మ్యూచ్యువల్ ఫండ్స్ వ్యాపారం నిర్వహించేందుకు గతేడాది సెప్టెంబర్లో Paytm Money సేవలను ప్రారంభించింది.