నాలుగేళ్లుగా ఇండియన్స్‌కు సేవలు అందిస్తున్న దేశీయ బడ్జెట్ విమానయాన సంస్థ విస్తారా త్వరలో అంతర్జాతీయ సేవలను అందుబాటులోకి తీసుకురానుంది. ఈ ఏడాది రెండో అర్ధభాగంలో అంతర్జాతీయ విమాన సర్వీసులను ప్రారంభించేందుకు సిద్ధమయ్యారు. ఆదివారం విస్తారా గ్రూప్ ఐఏటీఏ వార్షిక జనరల్ భేటీ జరిగింది. ఆర్థిక ఇబ్బందుల కారణంగా జెట్ ఎయిర్వేస్ తాత్కాలికంగా సేవలు నిలిపేసిన విషయం తెలిసిందే. ఈ నేపథ్యంలో ఇతర సంస్థలు అప్రమత్తమయ్యాయి.

ప్రస్తుతం విస్తారా 22కు పైగా విమానాలు ఆపరేట్ చేస్తోంది. ప్రతి వారం 850కి పైగా విమానాలు రన్ చేస్తోంది. గత నెలలో నాలుగు బోయింగ్ 737-800 ఎన్జీ ఎయిర్ క్రాఫ్ట్స్, రెండు ఏ320 నియో ప్లేన్స్‌ను లీజుకు తీసుకుంటున్నట్లు ప్రకటించింది. 2018లో ఎయిర్‌బస్ ఓ320 నియో, ఓ321 నియో 50 విమానాలకు ఆర్డర్ ఇచ్చింది. 2023 నాటికి ఈ విమానాలు విస్తారా చేతికి రానున్నాయి. టాటా, సింగపూర్ ఎయిర్‌లైన్స్‌ సంయుక్తంగా 2015 జనవరిలో విస్తారా ఎయిర్ లైన్‌ను ప్రారంభించింది.