చైనా-అమెరికా మధ్య వాణిజ్య యుద్ధం కొనసాగుతోంది. చైనా ఉత్పత్తులపై పెంచిన టారిఫ్‌ను అమెరికా వసూలు చేయడం ప్రారంభించింది. అమెరికా పోర్ట్స్‌కు వస్తున్న ఉత్పత్తులపై టారిఫ్ వసూలు చేస్తున్నారు. వాణిజ్య యుద్ధం నేపథ్యంలో 200 బిలియన్ డాలర్ల విలువైన చైనా ఉత్పత్తులపై అమెరికా 5 నుంటి 25 శాతం పన్ను విధించింది. దీనిని అమలు చేస్తున్నారు. అయితే సముద్ర మార్గంలో వచ్చే ఉత్పత్తులపై టారిఫ్‌కు కొంత టైమ్ ఇచ్చారు. ఇప్పుడు జూన్ 1వ తేదీ నుంచి 25 శాతం టారిఫ్ వసూలు చేస్తున్నారు.

కొత్త టారీఫ్‌ల పరిధిలోకి నిత్యావసర వస్తువులు, ఇంటర్నెట్ మోడెమ్స్, రూటర్లు, ప్రింటెడ్‌ సర్క్యూట్‌ బోర్డులు, ఫర్నిచర్‌, వ్యాక్యూం క్లీనర్లు తదితరాలు ఉన్నాయి. తన ఉత్పత్తులపై అమెరికా టారిఫ్ విధించడంతో చైనా కూడా అమెరికాకు చెందిన 60 బిలియన్ డాలర్ల ఉత్పత్తులపై టారిఫ్ విధిస్తోంది. 5 శాతం నుంచి 25 శాతం వరకు విధిస్తోంది డ్రాగన్ కంట్రీ. ఇప్పుడు చైనా ఈ టారీఫ్ వసూలు చేస్తోంది. 5వేలకు పైగా అమెరికా ఉత్పత్తులపై టారిఫ్ విధిస్తోంది.

చైనాతో పాటు మెక్సికోపై కూడా టారిఫ్ విధించింది అమెరికా. దీనిని అమెరికా అధ్యక్షులు డొనాల్డ్ ట్రంప్ సమర్థించుకున్నారు. టారిఫ్ ఓ బ్యూటీఫుల్ వర్డ్ అని ఆయన అభివర్ణించారు. చైనాకు చెందిన 250 బిలియన్ డాలర్లపై 25 శాతం టారిఫ్ విధిస్తున్నట్లు తెలిపారు.