హైదరాబాద్: దేశంలో అతిపెద్ద టెలికం ఆపరేటర్ ఎయిర్‌టెల్ రాష్ట్రంలోని ఈ-సేవ, మీ-సేవ కేంద్రాల్లో ఇకపై తమ బిల్లులు (ఎయిర్ టెల్ పోస్ట్ పెయిడ్) చెల్లించవద్దని వినియోగదారులకు సూచించింది. బదులుగా దగ్గరలోని ఎయిర్ టెల్ కస్టమర్ సేవా కేంద్రాలు లేదా ఎయిర్ టెల్ మై యాప్‌లో ఈ సదుపాయాన్ని వినియోగించుకోవాలని కోరింది.

గత కొన్నేళ్లుగా ఎయిర్ టెల్ సహా పలు టెలికం సంస్థలు తమ పోస్ట్ పెయిడ్ బిల్లుల చెల్లింపు కోసం ఈ-సేవ, మీ-సేవ కేంద్రాలలో కలిసి పని చేస్తున్నాయి. ఇందుకోసం ఒప్పందం కూడా కుదుర్చుకున్నాయి. ఒప్పందంలో భాగంగా ఎయిర్ టెల్.. మీ-సేవ, ఈ-సేవ కేంద్రాలకు ప్రతి బిల్లుపై కొంత మొత్తాన్ని కమీషన్‌గా చెల్లిస్తోంది.

అితే కొంతకాలంగా వినియోగదారులు బిల్లుల చెల్లింపు కోసం పూర్తిగా డిజిటల్ బాట పట్టడంతో ఈ-సేవ, మీ-సేవ కేంద్రాలలో లావాదేవీలు ఆశించినంతగా లేవని, అందుకే ఎయిర్ టెల్ ఈ ఒప్పందాన్ని రద్దు చేసుకొందని సమాచారం.