అమెరికా తీసుకువచ్చిన కొత్త హెచ్1బీ నిబంధనలతో భారత్ ఐటీ కంపెనీలపై పడనుంది. దేశీయ ఐటీ సెక్టార్ లాభాలపై ఈ ప్రభావం పడనుంది. ఐటీ కంపెనీల లాభాలు ఈ ఆర్థిక సంవత్సరంలో (2019-20) 0.8శాతం తగ్గవచ్చని నివేదికలు చెబుతున్నాయి. డాలర్ విలువలో మార్పు కారణంగా ఈ కంపెనీల ఆదాయం మాత్రం ఏడు నుంచి ఎనిమిది శాతానికి పెరిగే అవకాశముందని క్రిసెల్‌ (CRISIL-రేటింగ్ సంస్థ) తెలిపింది. డిజిటల్ సర్వీసుల మార్కెట్ వేగంగా అభివృద్ధి చెందుతుండటంతో సాఫ్టువేర్ రంగం 180 బిలియన్‌ డాలర్ల మార్కుకు చేరవచ్చునని తెలిపింది.

పరిశ్రమ నిర్వహణ లాభాలు 0.30 శాతం నుంచి 0.80 శాతం వరకు తగ్గవచ్చునని పేర్కొంది. అమెరికాలో స్థానిక నియామకాలు భారీగా పెరగడంతో ఈ పరిస్థితి తలెత్తనుంది. వీసాల విధానంలో చోటుచేసుకొన్న సరికొత్త మార్పుల కారణంగా ఈ మార్పులు జరుగుతాయని తెలిపింది. ఇండియన్ సాఫ్టువేర్ రంగం ఉద్యోగులపై ఎక్కువగా ఆధారపడి ఉంది. అమెరికా వీసా నిబంధనలను సవరించినా అత్యధికంగా హెచ్1బీ వినియోగదారుల్లో భారతీయులే ఉన్నారు.

ఇతర చాలా దేశాల కంటే మన దేశం నుంచి మానవవనరులు చౌకగా అందుతున్నాయి. కంపెనీల ఆదాయం 60 నుంచి 65 శాతం నిర్వహణ లాభాలు మానవవనరుల నుంచి ఉంటాయి. గత ఏడాది టైయర్ వన్ కంపెనీలలో ఎంప్లాయి ఎక్స్‌పెన్సెస్ మరియు ఎంప్లాయి కాస్ట్ వరుసగా 17 శాతం, 9 శాతం పెరిగాయి. అంతకుముందు ఏడాది కంటే ఇది ఆరు శాతం, 3 శాతం ఎక్కువ.