లాభాల్లో GAIL: షేర్ హోల్డర్స్కు గుడ్ న్యూస్... 1:1 బోనస్ షేర్
ప్రభుత్వరంగ గ్యాస్ అథారిటీ ఆఫ్ ఇండియా (GAIL) క్వార్టర్ 4 (మార్చి త్రైమాసికం) నికర లాభాల్లో మంచి వృద్ధిని నమోదు చేసింది. గ్యాస్ వ్యాపారంలో లాభాలు వచ్చాయి. అదే సమయంలో పెట్రో కెమికల్స్ వ్యాపారంలో మాత్రం నష్టాలు చవిచూసింది. మొత్తంగా జనవరి-మార్చి త్రైమాసికానికి రూ.1,122 కోట్ల లాభాన్ని ఆర్జించింది. గత సంవత్సరం ఇదే ఆర్థిక సంవత్సరంలో రూ.1,020 కోట్ల లాభం కంటే, ఇది దాదాపు 20 శాతం ఎక్కువ లాభం.
ట్రంప్ దెబ్బకు దెబ్బ: అమెరికా కంపెనీలపై చర్యలకు చైనా రెడీ
ఈ సందర్భంగా కంపెనీ 1:1 బోనస్ షేర్ను ప్రకటించింది. ఈ మేరకు కంపెనీ బోర్డు ఆమోదముద్ర వేసింది. క్వార్టర్ 4లో 9.92 శాతం (ఇయర్ ఆన్ ఇయర్)తో రూ.1,222.23 కోట్ల లాభాన్ని మార్చి క్వార్టర్లో నమోదు చేసినట్లు GAIL సోమవారం ప్రకటించింది. రెవెన్యూ 21.6 శాతం వృద్ధితో రూ.18,764 కోట్లకు పెరిగింది. ఇదే క్వార్టర్లో గత ఏడాది రూ.15,431 కోట్లుగా ఉంది.
గెయిల్కు పెట్రో కెమికల్స్ వ్యాపారం రూ.20 కోట్ల నష్టాన్ని తీసుకువచ్చింది. ఎల్పీజీ, ద్రవ కార్బన్ వ్యాపారంలో పన్ను చెల్లించక ముందు రూ.416 కోట్ల లాభాన్ని నమోదు చేసింది. గ్యాస్ వ్యాపారంలో రూ.777 కోట్ల లాభం వచ్చింది.
జనవరి-మార్చిలో ప్రాఫిట్ రూ.1,222.23 కోట్లు లేదా 4.98 శాతం షేర్. అంతకుముందు ఏడాది ఇదే సమయంలో రూ.1,020.92 కోట్లు లేదా 4.53 షేర్. ఈ నేపథ్యంలో ప్రతి షేర్ హోల్డర్కు 1:1 బోనస్ను అప్రూవ్ చేసింది.