ప్రపంచవ్యాప్తంగా ఏటీఎం సెంటర్‌లు తగ్గుతున్నాయట. అంతకుముందు ఏటీఎం సెంటర్లు రోజు రోజుకు పెరిగాయి. కానీ డిజిటల్ కరెన్సీ పెరుగుతున్న నేపథ్యంలో గత ఏడాది మొదటిసారి ఏటీఎం సెంటర్లు తగ్గాయట. ప్రముఖ కన్సల్టింగ్ ఫర్మ్ ఆర్బీఆర్ చేసిన సర్వేలు ఇది తేలింది. దీనిని సోమవారం విడుదల చేశారు.

ప్రపంచంలోని అతిపెద్ద ఐదు మార్కెట్లలోని చైనా, అమెరికా, జపాన్, బ్రెజిల్ దేశాలలో ఏటీఎంల సంఖ్య గత ఏడాది (2018) ఒక శాతం తగ్గింది. అదే సమయంలోను భారత్‌లో కూడా తగ్గుతున్నాయి. ఆయా బ్యాంకుల కస్టమర్లు సాధ్యమైనంత వరకు తమ మొబైల్, నెట్ బ్యాకింగ్ ద్వారా లావాదేవీలు సాగిస్తున్నారు. అతిపెద్ద యూఎస్ బ్యాంక్ 2 శాతం తన బ్రాంచిలను తగ్గించి, సాంకేతిక పరిజ్ఞానం కోసం 10.8 బిలియన్ డాలర్లు కేటాయించింది. 5 శాతం యాక్టివి డిజిటల్ కస్టమర్లు, 11 శాతం యాక్టివ్ మొబైల్ కస్టమర్లు పెరిగారు.

మొదటిసారి గత ఏడాది ప్రపంచవ్యాప్తంగా ఏటీఎం కేంద్రాలు తగ్గిపోయాయి. బ్యాంక్ ఆఫ్ అమెరికా తమ ఏటీఎంలను 2012 నాటి సంఖ్యకు కుదించుకుంది. జేపీ మోర్గాన్ 2015 నాటికి కుదించుకుంది. గత ఏడాదిలో ఏటీఎంలు తగ్గినట్లుగా అంతకుముందు ఎప్పుడూ తగ్గలేదు. దీంతో ఏటీఎం డెవలపింగ్ మార్కెట్ పడిపోతోంది.