ఈ-కామర్స్ దిగ్గజం అమెజాన్ నుంచి మీరు ఇక నుంచి విమాన ప్రయాణం కోసం డొమెస్టిక్ ఫ్లైట్ టిక్కెట్లు బుకింగ్ చేసుకోవచ్చు. షాపింగ్, మనీ ట్రాన్సుఫర్స్, యుటిలిటీ బిల్ పేమెంట్స్, మొబైల్ రీఛార్జీలతో పాటు ఫ్లైట్ టిక్కెట్స్‌ను సింగిల్ యాప్ ద్వారా బుక్ చేసుకోవచ్చునని శనివారం తెలిపింది.

ఆన్‌లైన్ ట్రావెల్ అండ్ లీజర్ యాక్టివిటీస్ ప్లాట్‌ఫారం క్లీనర్‌ట్రిప్‌తో భాగస్వామ్యం కుదుర్చుకుంది. ఒకవేళ కస్టమర్లు తమ టిక్కెట్స్‌ను క్యాన్సిల్ చేసుకుంటే ఎలాంటి అదనపు ఛార్జీలు విధించమని అమెజాన్ స్పష్టం చేసింది. కేవలం ఎయిర్‌లైన్ క్యాన్సిలేషన్ పెనాల్టీ మాత్రమే ఉంటుందని చెప్పారు.

అమెజాన్ పే పేజీ, అమెజాన్ మొబైల్ యాప్, వెబ్‌సైట్ ద్వారా కస్టమర్లు ఫ్లైట్ ఐకాన్ గురించి తెలుసుకోవచ్చు. అమెజాన్ యాప్ ద్వారా కస్టమర్లకు మరిన్ని సేవలు అందించే ఉద్దేశ్యంలో భాగంగా డొమెస్టిక్ ఫ్లైట్ బుకింగ్స్‌ను తీసుకువచ్చామని, ఇందుకు సంతోషంగా ఉందని అమెజాన్ పే డైరెక్టర్ షరీక్ ప్లాస్టిక్‌వాలా అన్నారు.