అందుకే అలంద మీడియా

సుమారు పదివేల కోట్ల నికర ఆస్తులున్న ఆయన... రాజకీయంగాను పటిష్టంగా ఉండాలంటే వార్తా ఛానల్ దగ్గరిదారి అని భావించారట. ఆ ప్రయత్నంలో భాగంగానే 2015 అక్టోబర్‌లోనే ఆయన మైహోమ్ మీడియా అండ్ ఎంటర్‌టైన్‌మెంట్స్ ప్రయివేటు లిమిటెడ్ పేరుతో ఒక కంపెనీ కూడా ప్రారంభించారు. అయితే సరైన అవకాశం కోసం ఆయన వేచి చూశారని, TV9 ఛానళ్లు అమ్మకానికి ఉన్నాయని తెలిసి, వాటితో భాగస్వామి అవ్వాలని నిర్ణయించుకున్నారట. దీంతో కేవలం TV9 ఛానళ్ల కొనుగోలు కోసమే అలంద మీడియా పేరుతో ఒక కొత్త కంపెనీ ప్రారంభించారు.

MEIL డైరెక్టర్‌కు చోటు

అందులో వ్యాపార భాగస్వామి అయిన MEIL డైరెక్టర్‌కు చోటు ఇచ్చారు రామేశ్వర రావు. అలాగే స్వయంగా ఆయనే, అలంద మీడియా బోర్డులో చేరారు. రూ.500 కోట్లు వెచ్చించి TV9 ఛానళ్లను కొనుగోలు చేసినా TV9 బ్రాండ్ ఇమేజ్, సంస్థ లాభాల్లో ఉండటం బాగా కలిసొచ్చే అంశం.

భలే చౌక బేరం!

రెండు తెలుగు రాష్ట్రాల్లోను రామేశ్వర రావుకు చెందిన మైహోమ్ గ్రూప్ కార్యకలాపాలు ఉన్నాయి. ప్రస్తుత, భవిష్యత్తు, వ్యాపార, రాజకీయ అవసరాలకు బలమైన TV9 వంటి ఛానల్ తోడుంటే, సామాజికంగాను మరింత పలుకుబడి లభిస్తుందని భావించారట. పైగా, ఆయనకు ప్రస్తుత అధికార పార్టీలతోను సత్సంబంధాలు ఉండటం కూడా కలిసి వచ్చిందని అంటారు. దాదాపు అన్ని పెద్ద వ్యాపార సంస్థలు ప్రత్యక్షంగానో, పరోక్షంగానో మీడియా రంగ ప్రవేశం చేస్తున్నాయి. కొందరు నష్టాలను సైతం లెక్క చేయకుండా కొనసాగుతుంటే, పట్టిందల్లా బంగారమే అనే చందంగా ఉన్న రామేశ్వర రావుకు లాభాల్లోనే ఉన్న నెంబర్ 1 TV9 ఛానల్ దొరకడం భలే మంచి చౌక బేరమే!