ఈ ఉత్పత్తులపై ప్రత్యేక రాయితీ

యోనో వినియోగదారులకు తమ ఉత్పత్తులు అన్నింటిపై ప్రత్యేక రాయితీ ఇస్తామని శ్రీశ్రీ తత్వ ప్రకటించింది. ప్రస్తుతం యోనో యాప్‌ను కోట్లాది మంది డౌన్‌లోడ్ చేసుకున్నారు. ఈ భాగస్వామ్యం వల్ల ఎస్బీఐ ఆన్‌లైన్ ఖాతాదారులకు తమ ఉత్పత్తులు రాయితీపై లభిస్తాయని పేర్కొంది. మరింతమందికి తాము చేరువ అవుతామని శ్రీశ్రీ తత్వ మేనేజింగ్ డైరెక్టర్ అర్వింద్ వర్చస్వి తెలిపారు. సేంద్రియ, పరిమళ, ఆరోగ్యకర, ఆయుర్వేద ఉత్పత్తులన్నీ ఎస్బీఐ యోనో ఖాతాదార్లకు రాయితీపై అందుబాటులోకి వస్తాయని ఎస్బీఐ తెలిపింది.

ఒప్పందం

యోనో ద్వారా శ్రీశ్రీ తత్వతో వ్యూహాత్మక ఒప్పందం సంతోషంగా ఉందని, ఈ ఉత్పత్తుల ద్వారా యోనో మరింత మెరుగుబడుతుందని ఎస్బీఐ చైర్మన్ రజనీష్ కుమార్ అన్నారు. ప్రస్తుతం యోనోను 8 మిలియన్ల మంది కస్టమర్లను కలిగి ఉందని, శ్రీశ్రీ తత్వ ద్వారా మరింత ఆదరణ పెరుగుతుందని ఆశాభావం వ్యక్తం చేశారు. స్టేట్ బ్యాంక్ వరల్డ్ క్లాస్ డిజిటల్ బ్యాంకింగ్ సేవలు ఇలాగే కొనసాగిస్తుందని, లైఫ్ స్టయిల్ ఎక్స్‌పీరియన్స్ అందిస్తుందని చెప్పేందుకు ఈ ఒప్పందమే ఉదాహరణ అన్నారు.

2 కోట్ల మంది డౌన్‌లోడ్

ఎస్బీఐ యోనో యాప్‌ను 2 మిలియన్ల మంది డౌన్‌లోడ్ చేసుకున్నారు. కస్టమైజ్డ్ ప్రాడక్ట్స్, 90 ఈ-కామర్స్ ప్లేయర్స్ నుంచి సేవలు అందిస్తున్న తొలి డిజిటల్ బ్యాంకింగ్, లైఫ్‌స్టైల్ ప్లాట్‌ఫారం యోనో. ఆండ్రాయిడ్, ఐవోఎస్ మొబైల్ యూజర్లు యోనో యాప్‌కు యాక్సెస్ కావొచ్చు. వెబ్ బ్రౌజర్, ఓమ్నీ ఛానల్ ఎక్స్‌పీరియన్స్ కూడా ఫీల్ కావొచ్చు.