న్యూఢిల్లీ: దృష్టి లోపం ఉన్నవారు కరెన్సీ నోట్లను గుర్తించేలా ఓ మొబైల్ అప్లికేషన్ తీసుకురావాలని రిజర్వ్ బ్యాంక్ ఆఫ్ ఇండియా (ఆర్బీఐ) ప్రతిపాదించింది. దీంతో 80 లక్షల మందికి ఉపయోగపడనుంది. ప్రస్తుతం రూ.10, రూ.20, రూ.50, రూ.100, రూ.200, రూ.500, రూ.2,000 నోట్లు చలామణిలో ఉన్నాయి. వీటికితోడు కేంద్ర ప్రభుత్వం జారీచేసే రూ.1 నోటు ఉంది. అయితే పాత నోట్లతో పాటు కొత్త నోట్లు వస్తున్నాయి.

ఇది అంధులకు, కంటిచూపు సమస్యలను ఉన్న వారికి ఇబ్బందికరంగా మారింది. కాబట్టి ఇలాంటి వారికి సహాయకారిగా ఉండేందుకు మొబైల్ అప్లికేషన్ ప్రాధాన్యతను ఆర్బీఐ తెర మీదకు తీసుకు వచ్చింది. ఈ మొబైల్ యాప్ అభివృద్ధి కోసం టెక్నాలజీ సంస్థల నుంచి బిడ్లను ఆహ్వానించింది. రూ.100 అంతకుమించిన విలువైన నోట్ల గుర్తింపు కోసం ఇంటాగ్లియో ప్రింటింగ్ ఆధారిత గుర్తింపు చిహ్నాల్ని (నోటు చివర లైన్లు) కరెన్సీలపై ఆర్బీఐ ఏర్పాటు చేసింది.

మరింత పారదర్శకత కోసం ఈ మొబైల్ యాప్‌ను తేవాలని ఈ మొబైల్ యాప్‌ను అందుబాటులోకి తేవాలని నిర్ణయించింది. గత ఏడాది మార్చి 31వ తేదీ నాటికి 102 బిలియన్ నోట్లు చలామణిలో ఉన్నాయి. వీటి విలువ రూ.18 లక్షల కోట్లు. దేశంలోని దాదాపు 80 లక్షల మంది అంధులు, దృష్టి లోపం ఉన్న వారికి ఈ మొబైల్ యాప్ ప్రయోజనం కానున్నది.