భారత సంతతికి చెందిన హిందూజా సోదరులు బ్రిటన్‌లోని అత్యంత ధనవంతుల జాబితాలో తొలిస్థానంలో నిలిచారు. 22 బిలియన్ పౌండ్లతో వీరు మొదటి స్థానంలో నిలగా, ముంబైలో జన్మించిన రూబెన్ సోదరులు 18.66 బిలియన్ పౌండ్లతో రెండో స్థానంలో నిలిచారు.

శ్రీ హిందూజా, గోపిచంద్ హిందూజాలు యూకేలో హిందూజా గ్రూప్ ఆఫ్ కంపెనీలను రన్ చేస్తున్నారు. వీరు ఆస్తి గత ఏడాది కంటే 1.35 బిలియన్ పౌండ్లు పెరిగింది. ఈ మేరకు సండే టైమ్స్ రిచ్ లిస్ట్ ప్రకటించింది. వీరు 2014, 2017లో మొదటి స్థానంలో నిలిచారు. ఇప్పుడు మరోసారి ముందుకు వచ్చారు.

గోపిచంద్ హిందూజా(79), శ్రీ హిందూజా(83)తో పాటు వారి సోదరులు ప్రకాశ్ (73), అశోక్ (68)లు ఉన్నారు. ప్రకాశ్, అశోక్‌లు జెనివా, ముంబైలలో నివసిస్తారు. వీరు 50 కంపెనీలను రన్ చేస్తున్నారు. 2018లోనే టర్నోవర్ 40 బిలియన్ పౌండ్ల వరకు ఉంది.

హిందూజా ఫ్యామిలీ 2006లో క్వీన్ ఎలిజబెత్ 2 నుంచి కార్ట్‌లోన్ హౌస్ టెర్రాస్‌లో నాలుగు ఇంటర్‌కనెక్టెడ్ హోమ్స్‌ను కొనుగోలు చేసింది. హిందూజాలు మాంసం, ఆల్కాహాల్‌కు దూరంగా ఉంటారు. వీరికి ఆయిల్, గ్యాస్, ఐటీ, ఎనర్జీ, మీడియా, బ్యాంకింగ్, ప్రాపర్టీ, హెల్త్‌కేర్‌లలో వాటాలు ఉన్నాయి.

బ్రిటన్‌లోని అత్యధిక ధనవంతుల జాబితాలో హిందూజా సోదరులు గత ఏడాది రెండో స్థానంలో నిలిచారు. అంతకుముందు వారు తొలి స్థానంలో ఉండగ, గత ఏడాది రెండో స్థానానికి దిగజారారు. 2018లో బ్రిటన్ దేశానికే చెందిన రసాయనిక పరిశ్రమల పారిశ్రామికవేత్త జిమ్ రాట్ క్లిఫ్ మొదటి స్థానంలో నిలిచారు.