పెరిగిన క్రూడాయిల్ ఉపయోగం

2018-19 ఆర్థిక సంవత్సరం నాటికి భారత్ దిగుమతి క్రూడ్ ఆయిల్‌పై డిపెండ్ కావడం 83.7 శాతంగా ఉంది. 2015-16లో ఇది 80.6 శాతంగా ఉంది. మూడేళ్లలో మూడు శాతం పెరిగింది. 2015-16లో 202.9 మిలియన్ టన్నుల క్రూడాయిల్ దిగుమతి చేసుకోగా, 2018-19 నాటికి 226.6 మిలియన్ టన్నుల క్రూడాయిల్ దిగుమతి చేసుకున్నాం. 2015-16లో భారత్ 65.6 బిలియన్లు డాలర్లు ఇందుకు ఖర్చు చేయగా, 2018-19 నాటికి 114.2 బిలియన్ డాలర్లకు చేరుకుంది. చమురు ధర వినియోగంతో పాటు చెల్లింపు మొత్తం పెరిగింది. ఇందుకు క్రూడాయిల్ ధరలు పెరగడమే కారణం.

భారీగా పెరిగిన బ్యారెల్ ధర

బ్యారెల్ క్రూడాయిల్ ధర జనవరిలో రూ.52.40 డాలర్లుగా ఉండగా, మే 3వ తేదీ నాటికి అది 70.70 డాలర్లకు చేరుకుంది. ప్రస్తుతం సార్వత్రిక ఎన్నికల నేపథ్యంలో ధరలు పెరగడం లేదు. ఎన్నికల తర్వాత ధరలు పెరిగే అవకాశాలు ఉన్నాయి. ఆయిల్ ధరల ప్రభావం రాజకీయ, ఆర్థిక వ్యవస్థలపై కూడా ప్రభావం చూపుతుంది.

నెల రోజులుగా ఫ్లాట్‌గా ధరలు

గత నెల రోజులుగా పెట్రోల్, డీజిల్ ధరలు ఫ్లాట్‌గా ఉన్నాయి. ఓ వైపు ఆయిల్ ధరలు ఈ నెల రోజుల్లో పది శాతం వరకు పెరిగినప్పటికీ పెట్రోల్, డీజిల్ ఛార్జీలు మాత్రం పెరగలేదు. ఇందుకు ముఖ్యమైన కారణం లోకసభ ఎన్నికలు. మే 19వ తేదీన ఎన్నికలు పూర్తవుతాయి. ఆ రోజున లేదా మే 23వ తేదీన ఫలితాలు రానున్నాయి. ఆ రోజున కానీ భారీగా పెరిగే అవకాశాలు ఉన్నాయని అంటున్నారు.