ప్రభుత్వ రంగ సంస్థ స్టేట్ బ్యాంక్ ఆఫ్ ఇండియా (ఎస్బీఐ) మరో కొత్త ఇన్సురెన్స్ స్కీంను ప్రారంభించింది. ఎస్బీఐ జనరల్ ఇన్సురెన్స్.. సైబర్ డిఫెన్స్ ఇన్సురెన్స్ పేరుతో దీనిని ప్రారంభించినట్లు ఎస్బీఐ సోమవారం నాడు వెల్లడించింది. ఈ బీమా ద్వారా వ్యాపారాన్ని కాపాడుకోవచ్చు! అంటే సైబర్ దాడుల వల్ల ఫైనాన్షియల్ లేదా రెప్యుటేషనల్ నష్టం జరిగితే దీని ద్వారా పూడ్చుకోవచ్చు.

ప్రస్తుతం ఈ ఎస్బీఐ జనరల్ ఇన్సురెన్స్ పాలసీని ఎస్ఎంఈ, మిడ్ మార్కెట్ బిజినెస్‌కు వర్తింప చేస్తున్నారు. క్రమంగా దీనిని లార్జర్ బిజినెస్‌లోను ప్రవేశపెట్టనున్నట్లు తెలిపారు.

గత కొన్నేళ్లుగా డిజిటల్ అడ్వాన్సుమెంట్ పెరుగుతోంది. ప్రస్తుతం అంతటా డిజిటల్ డివైసెస్ పెరుగుతున్నాయి. కంప్యూటర్స్, ల్యాప్‌టాప్, టాబ్స్, స్మార్ట్ ఫోన్స్‌కు ఇంటర్నెట్ కనెక్షన్ ఉంటుంది. అదే సమయంలో సైబర్ రిస్క్‌లు కూడా పెరిగాయి. బిజినెస్ సహా అన్ని వ్యవస్థల్లోను సైబర్ రిస్క్‌లు ఉన్నాయి. మెజార్టీ బిజినెస్‌లు సైబర్ సెక్యూరిటీపై స్పెండ్ చేయడం లేదనే కోణంలోనే సైబర్ అటాకర్స్ పని చేస్తున్నారు. ఇలాంటి సైబర్ అటాక్స్ కోసం డిజైన్ చేసిందే ఎస్బీఐ సైబర్ ఇన్సురెన్స్ పాలసీ.