ఉబర్ డ్రైవల్ లెస్ క్యాబ్ ప్రాజెక్టు లోకి భారి పెట్టుబడులు వచ్చి చేరాయి. ఇప్పటికే క్యాబ్ సేవల్లో దూసుకుపోతున్న ఉబర్ జపాన్ కు చెందిన టోయోటా, సాఫ్ట్ బ్యాంక్ , డెన్సోలు కలిసి బిలియన్ డాలర్ల పెట్టుబడులను పెట్టాయి. కాగా వీటిని ఇటివల ప్రారంభించిన సాంకేతిక విభాగానికి తరలించనున్నారు. ఉబర్ ఇటివల స్థాపించిన అడ్వాన్స్‌డ్ టెక్నాలజీ యూనిట్ కు ఈ నిధులను తరలించనున్నారు.

కాగా వచ్చే మూడేళ్లలో మరో 300 మిలియన్ డాలర్లను సమకూర్చనున్నట్లు టోయోటా వెల్లడించింది. కాగా సమిష్టిగా పనిచేయడం వల్ల పరిశోధనల ఖర్చు తగ్గడంతో వేగంగా ఫలితాలను సాధించవచ్చని టోయోటా ఎగ్జిక్యూటివ్ వైస్ ప్రెసిడెంట్ షిగేకి టోమోయమ చెప్పారు. ఇక బిలియన్ డాలర్లలో టోయోటా మోటోకార్ఫ్ , డెన్సోలు కలిసి 667 మిలియన్ లు మిగిలిన 333 మిలియన్ డాలర్లను సాఫ్ట్ బ్యాంకుకు చెందిన విజన్ ఫండ్ సమకూర్చింది.