ట్రేడ్ వార్ ఇంకా ముగియలేదని అమెరికా అధ్యక్షులు డొనాల్డ్ ట్రంప్ సందేశం పంపించారు. తన వాణిజ్య యుద్ధాలు ఇంకా పూర్తి కాలేదని, బలహీనపడుతున్న ప్రపంచ ఆర్థిక వ్యవస్థను ఎదుర్కొని తీరాలని వాషింగ్టన్‌లో జరిగిన ఓ కార్యక్రమంలో అన్నారు. తాజాగా, యూరోపియన్ యూనియన్ నుంచి దిగుమతి అ్యే 11 బిలియన్ డాలర్ల విలువైన హెలికాప్టర్లు, చీజ్ వంటి వాటిపై పన్నులు విధించారు.

ఓవైపు చైనాతో ట్రేడ్ వార్ అంశంపై ఒప్పందంపై చర్చలు జరుగుతున్నాయి. ఇలాంటి సమయంలో మరికొన్ని దేశాలతో ఉన్న వాణిజ్య ఒప్పందాలను పునర్ లిఖించిందుకు ట్రంప్ ప్రయత్నాలు చేస్తున్నారు. డొనాల్డ్ ట్రంప్ చర్యలు ఆర్థికవేత్తలను కలవరానికి గురి చేస్తున్నాయి. ప్రపంచ వృద్ధి రేటుపై ప్రభావం చూపుతుందని ఆందోళన చెందుతున్నారు.

యూరోపియన్ యూనియన్ నుంచి వచ్చే దిగుమతులపై టారిఫ్‌లు విధించారు. ఇది బోయింగ్‌కు లాభించనుంది. ఈయూపై మరిన్ని టారిఫ్‌లు విధిస్తామని ట్రంప్ హెచ్చరించారు. కొత్త టారీఫ్‌లు ఎయిర్‌బస్‌ బిజినెస్‌పై ప్రభావితం చూపనున్నాయి. ఎయిర్ బస్ డబ్ల్యూటీవో తలుపు తట్టనుంది. డబ్ల్యుటీవో తీర్పు కోసం అమెరికా ఎదురు చూస్తోంది.