పలు నగరాల్లో ప్రయోగాత్మకంగా పరిశీలన

జియో గిగా ఫైబర్‌ను ముంబై, ఢిల్లీ, సూరత్, అహ్మదాబాద్ పట్టణాల్లో ప్రయోగాత్మకంగా పరిశీలిస్తున్నారు. 90 రోజులకు గాను 100 ఎంబీపీఎస్ అల్ట్రా హైస్పీడ్ వేగంతో పనిచేసే కనెక్షన్లు ఆఫర్ చేస్తున్నారు. 100 జీబీ కోటాతో నెలసరి ఆఫర్ కూడా ఉంది. నెలలో 100 జీబీ డాటాను కనుక మీరు కంప్లీట్‌గా ఉపయోగిస్తే జియో డాట్ కామ్, మైజియో యాప్ ద్వారా 40 జీబీ కాంప్లిమెంటరీగా యూజ్ చేయవచ్చు. ప్రస్తుతానికి జియో గిగా ఫైబర్ సేవలు ప్రీపెయిడ్‌లోనే ఉన్నాయి. పోస్ట్ పేయిడ్ కూడా రానుంది.

రూ.4500 రీఫండబుల్

ఇన్‌స్టాలేషన్ ఛార్జీలు లేవు. ఓఎన్టీ డివైస్ (గిగా హబ్ హోమ్ గేట్‌వే) కోసం మాత్రం రూ.4500 రీఫండబుల్ డిపాజిట్ ఉంటుంది. దీనిని చివరలో తిరిగి ఇస్తారు. ఈ మొత్తాన్ని డెబిట్ కార్డు లేదా క్రెడిట్ కార్డు లేదా జియో మనీ లేదా పేటీఎం వంటి వాటి ద్వారా చెల్లించవచ్చు. కాగా, రిలయెన్స్ డెన్, హాత్ వే నెట్ వర్క్‌లను కూడా ఉపయోగించుకోవచ్చు. ఎందుకంటే వీటి కొనుగోలును కూడా జియో ఫైబర్ నెట్ వర్క్ పూర్తి చేసింది.

డీటీహెచ్ విలీనం

కాగా, ప్రస్తుతం దేశంలో అతిపెద్ద డీటీహెచ్ ఆపరేటర్‌గా డిష్ టీవీ నిలిచింది. ఆ తర్వాత టాటా స్కై, ఎయిర్ టెల్‌లు ఉన్నాయి. త్వరలో ఎయిర్ టెల్, డిష్ టీవీలు విలీనం కానున్నాయని చెబుతున్నారు. జియో గిగా ఫైబర్ రాక నేపథ్యంలో అంతకుముందే పలు డీటీహెచ్‌లు విలీనమవుతున్నాయి. డిష్ టీవీ - వీడియో కాన్ డీ2హెచ్, రిలయెన్స్ బిగ్ టీవీ - వీకన్ మీడియా, టెలివిజన్‌లు విలీనమయ్యాయి.