గూగుల్ పిక్సెల్ 3ఎక్స్ఎల్ LITE వర్షన్‌ను తీసుకు వస్తోంది. ఈ ఫోన్ గురించి ఇప్పటి వరకు వివిధ రకాల ఊహాగానాలు వినిపిస్తున్నాయి. అయితే, గూగుల్ యాక్సిడెంటల్‌గా పిక్సెల్ డివైస్ పేరును, దీనికి సంబంధించిన కొన్ని వివరాలను వెల్లడించింది. ఈ పొరపాటును గుర్తించిన గూగుల్ వెంటనే దానిని తొలగించింది. ఈ ఫోన్‌ను పిక్సెల్ 3ఏగా పేర్కొంది.

ఈ ఫోన్ 2019లోనే మరికొద్ది నెలల్లో మార్కెట్లోకి రానుంది. గూగుల్ ఐవో డెవలపర్‌ కాన్ఫరెన్స్‌లో దీనిని ప్రదర్శిస్తారని భావిస్తున్నారు. సాధారణంగా గూగుల్‌ తన కొత్త ఉత్పత్తులను అక్టోబర్ నెలలో విడుదల చేస్తుంది. పిక్సెల్ 3ఎ ఎక్స్‌ఎల్‌గా భావిస్తున్న ఈ ఫోన్‌ ఆండ్రాయిడ్‌ క్యూ ఆపరేటింగ్‌ సిస్టంతో వచ్చే అవకాశముంది.

గూగుల్‌ తాను తయారు చేస్తున్న పిక్సెల్ సిరీస్‌ ఫోన్ 3ఎ పేరును వెల్లడించింది. ఫ్యాబ్రిక్ మేడ్ అని పేర్కొంది. కానీ ఈ డివైస్ గురించిన ఇతర స్పెసిఫికేషన్స్‌ను మాత్రం పేర్కొనలేదు. ఈ పొరపాటును గుర్తించగానే దానిని పేజ్ నుంచి తొలగించింది. కానీ మీడియా పబ్లికేషన్స్ అప్పటికే దానిని గుర్తించాయి. ఈ ఫోన్‌ను గూగుల్‌ పిక్సల్‌ 3 రకానికి తేలికపాటి వెర్షన్‌గా భావిస్తున్నారు.