యాక్సిస్ బ్యాంక్ 50 మంది మిడ్ లెవల్ మేనేజర్లకు పింక్ స్లిప్స్ ఇచ్చింది. ఈ మేరకు ఇంగ్లీష్ మీడియాలో వార్తలు వచ్చాయి. కార్పోరేట్, రిటైల్ బ్యాంకింగులో వీరు ముఖ్య పాత్ర పోషిస్తున్నారు. 2019లో అమితాబ్ చౌతరి బ్యాంక్ సీఈవోగా బాధ్యతలు చెపట్టారు. ఆయన జనవరి 1వ తేదీన సీఈవోగా బాధ్యతలు తీసుకున్నారు. ఆయన నిర్వహణ బృందాన్ని సమీక్షించారు. ఈ రివ్యూలో యాభై మంది మేనేజర్లు ఎక్కువగా ఉన్నట్లు గుర్తించారు.

వీరిని మేనేజర్లుగా తప్పించి బ్యాంకులోనే ఇతర శాఖల్లో వారికి సూట్ అయ్యే పనిని అప్పగించాలని భావించారట. అయితే వీరికి ఇతర బాధ్యతలు అప్పగించే అవకాశాలు లేకపోవడంతో ఉద్వాసన పలికినట్లుగా తెలుస్తోంది.

దీనిపై సదరు బ్యాంక్ స్పందించింది. బ్యాంకు పనితీరును మెరుగు చేసేందుకు మార్పులు చేపట్టామని, అంతేతప్ప ఉద్యోగుల సంఖ్యలో కోత విధించేందుకు కాదని తెలిపింది. తాజాగా తొలగింపులు ముందు పదవీవిరమణ చేద్దామనుకునే వారికే వర్తింపజేశామని పేర్కొంది.