ఫుడ్ ఆన్ ట్రాక్ యాప్

దీంతో రైల్లో వివిధ ప్రాంతాలకు వెళ్తున్న సమయంలో కూర్చున్న చోటకు ఆహారం, టిఫిన్లు తెప్పించుకోవచ్చు. ఇందుకు ఫుడ్ ఆన్ ట్రాక్ ఉపయోగపడుతుంది. ఫుడ్ ఆన్ ట్రాక్ యాప్‌లో మీ పీఎన్ఆర్ నెంబర్ ఎంటర్ చేస్తే మీ సీటు వద్దకు ఫుడ్ వస్తుంది. ఒకవేళ మీరు ముందే ఫుడ్ బుక్ చేసినా మీరు టిక్కెట్ క్యాన్సిల్ చేస్తే మీ ఫుడ్ ఆర్డర్ కూడా క్యాన్సిల్ అవుతుంది. స్టేషన్లకు సమీపంలోని హోటళ్ల నుంచి ఆహారం తెప్పించుకునే వెసులుబాటు కూడా ఉంది. మెనూ ఆన్ రైల్స్‌ యాప్‌‌ను కూడా గత ఏడాది విడుదల చేశారు. ఈ యాప్‌ ద్వారా రైలు ప్రయాణంలో అందించే ఫుడ్‌ ఐటమ్స్‌, వాటి ధరలను మీరు తెలుసుకునే వెసులుబాటు ఉంది. రైళ్లలో ఐఆర్‌సీటీసీ క్యాటరింగ్‌ సేవలు అందుబాటులో ఉన్న రైళ్లలో ఈ మెనూ వివరాలు కనిపిస్తాయి.

ఫుడ్ ఆన్ ట్రాక్‌లో ఇలా ఆర్డర్ చేయండి

పాసింజర్ ఫ్రెండ్లీగా ఉండేందుకు ఫుడ్ ఆన్ ట్రాక్ అనే యాప్‌ను ఇండియన్ రైల్వేస్ అందుబాటులో ఉంచింది. ఇందులో ఫుడ్ ఆర్డర్ ఎలా చేయాలంటే... మొదట పీఎన్ఆర్ (పాసింజర్ నేమ్ రికార్డ్)ను ఎంటర్ చేయాలి. ఆ తర్వాత మీకు కావాల్సిన దానిని ఎంచుకోవచ్చు. మీకు నచ్చిన ఫుడ్ ఆర్డర్ చేసిన తర్వాత కన్‌ఫర్మ్ చేసే ముందు ప్రయాణీకులు రివ్యూ చేసుకునే వెసులుబాటు ఉంది. కన్‌ఫర్మేషన్ తర్వాత ప్రయాణీకులు తమ వివరాలు ఇవ్వాల్సి ఉంటుంది. అంటే పేరు, ఫోన్ నెంబర్, కోచ్ నెంబర్, సీట్ నెంబర్ ఇవ్వాలి. చెల్లింపులను వివిధ మార్గాల్లో చేయవచ్చు. క్యాష్ ఆన్ డెలివరీ కూడా ఉంది. అలాగే క్రెడిట్ కార్డ్ ద్వారా కూడా చేయవచ్చు.

రెండు గంటల ముందు క్యాన్సిల్ చేసుకోవచ్చు

ప్రయాణీకులు ఆర్డర్ చేసిన అనంతరం అందుకు సంబంధించిన వివరాలు మీకు వస్తాయి. అలాగే, మీరు ఇచ్చిన మొబైల్ నెంబర్‌కు, ఈమెయిల్‌కు ఓటిపీ (వన్ టైమ్ పాస్‌వర్డ్) వస్తుంది. ఫుడ్ డెలివరీకి 2 గంటల ముందు మీరు క్యాన్సిల్ చేసుకోవచ్చు లేదా సవరించుకోవచ్చు. షెడ్యూల్ అరైవల్ సమయానికి ముందు స్టేషన్ లేదా సీటు మార్పు, రివిజన్ లేదా రద్దుకు అవకాశం లేదు. పీఎన్ఆర్ రద్దు లేదా వెయిటింగ్ లిస్ట్‌లో ఉంటే ఫుడ్ ఆన్ ట్రాప్ యాప్‌లో ఆటోమేటిక్‌గా ఫుడ్ ఆర్డర్ క్యాన్సిల్ అవుతుంది. ఆండ్రాయిడ్, ఐవోఎస్ ఫోన్లలో ఈ అప్లికేషన్ అందుబాటులో ఉంటుంది. దీనిని గూగుల్ ప్లే స్టోర్ లేదా యాపిల్ స్టోర్ ద్వారా డౌన్‌లోడ్ చేసుకోవచ్చు. ఫుడ్ డెలివరీ యాప్ మాత్రమే కాకుండా ఈ-కేటరింగ్ సర్వీస్ కూడా అందుబాటులో ఉంది. https://www.ecatering.irctc.co.in/ ద్వారా లేదా 1323కి కాల్ చేయడం ద్వారా సేవలు పొందవచ్చు.