ఇండిగో ఎయిర్‌లైన్స్‌కు షాక్. ఈ కంపెనీకి చెందిన చీఫ్ ప్లానింగ్ ఆఫీసర్ మైఖేల్ స్వేటక్ రాజీనామా చేశాడు. డిసెంబర్ 2018 నుంచి రాజీనామా చేసిన సీనియర్ ఎగ్జిక్యూటివ్‌లో ఈయన రెండోవారు. ఈయన గత ఏడాది ప్రారంభంలోనే ఇండిగో సంస్థలో చేరారు. ఈయన విదేశీ మార్గాలకు సంబంధించిన వ్యవహారాలను చూస్తారు. దీనిపై ఇండిగో ప్రతినిధి స్పందించారు. ఆయన వ్యక్తిగత కారణాలతో పదవి నుంచి వైదొలగినట్లు తెలిపారు.

మైఖేల్ స్వేటక్ గత ఏడాది ఫిబ్రవరిలో చిల్లీయన్ క్యారియర్ లాటమ్ నుంచి ఇండిగోలో చేరారు. అతను ఇండిగోలో ఉద్యోగం మానివేసిన అనంతరం దేశం నుంచి వెళ్లిపోయాడని చెబుతున్నారు.

2018 డిసెంబర్ నెలలో ఇండిగో వైస్ ప్రెసిడెంట్‌గా చేస్తున్న సిండీ వైదొలగారు. ఆమె గతంలో డెల్టార ఎయిర్ లైన్స్‌ పని చేశారు. ఆన్‌టైమ్‌ పర్ఫార్మెన్స్‌లో ఇండిగో పరిస్థితి దారుణంగా ఉంది. ఎయిరిండియా చివర్లో ఉండగా దాని కంటే ఒక స్థానం ముందుంది. ఇక ఈ విభాగంలో గోఎయిర్‌ సంస్థ తొలి స్థానంలో కొనసాగుతోంది.