రైల్ వికాస్ నిగమ్ లిమిటెడ్

రైల్ వికాస్ నిగమ్ లిమిటెడ్ ఐపీఓ ఈ రోజు (శుక్రవారం) ప్రారంభమై ఏప్రిల్ 3వ తేదీన ముగుస్తుంది. ఈ పబ్లిక్ ఇష్యూ ద్వారా రూ.481 కోట్ల నిధులను కంపెనీ సమీకరించనుంది. ఒక్కో షేర్ ధరను రూ.17నుంచి19గా నిర్ణయించారు. అధిక వేగంతో ప్రయాణించే రైళ్లకు అవసరమైన మౌలిక సదుపాయాలు కల్పించే సంస్థగా రైల్‌ వికాస్‌ నిగమ్‌కు పేరు ఉంది. ఇష్యూలో భాగంగా మొత్తం 25,34,57,280 ఈక్విటీ షేర్లను జారీ చేస్తారు. ఇందులో 6,57,280 షేర్లను అర్హతగల ఉద్యోగులకు కేటాయిస్తారు. రిటైల్‌, ఉద్యోగుల సెగ్మెంట్‌లో ఒక్కో షేర్‌కు రూ.0.50 డిస్కౌంట్‌ను ప్రకటించింది. రైల్ వికాస్ నిగమ్ ప్రభుత్వ రంగానికి చెందిన మినీరత్న కంపెనీ. ఇష్యూ తర్వాత ఈక్విటీ షేర్లు బీఎస్ఈ, నేషనల్ స్టాక్ ఎక్స్‌చేంజ్‌లో లిస్ట్ అవుతాయి.

మేజర్ ప్రాజెక్టులు

రైల్ వికాస్ నిగమ్ (ఆర్వీఎన్ఎల్) ప్రభుత్వ రంగ కంపెనీ. రైల్ ప్రాజెక్టు అభివృద్ధి, ఆర్థిక వనరుల సమీకరణ, రైల్ ప్రాజెక్టుల అమలు, పోర్ట్ కనెక్టివిటీ, ప్రాజెక్టుల కోసం అదనపు బడ్జెట్‌ వనరులు సమకూర్చడం వంటివి చేస్తుంది. దీనిని ప్రాజెక్టుల అమలుకు పరిమితం చేయాలని 2004లో మినిస్ట్రీ ఆఫ్ రైల్వే శాఖ నిర్ణయించింది. కొత్త లైన్లు, డబ్లింగ్, గాగ్ కన్వెర్షన్, రైల్వే ఎలక్ట్రిఫికేషన్, మెట్రో ప్రాజెక్టులు, వర్క్‌షాప్స్, మేజర్ బ్రిడ్జిలు, ఇన్‌స్టిట్యూషన్ వంటి ప్రాజెక్టులను ఇది నిర్వహిస్తోంది. బుక్ రన్నింగ్ లీడ్ మేనేజర్లను సంప్రదించిన తర్వాత రైల్ వికాస్ నిగమ్ ఒక్కో షేర్‌ను రూ.17 నుంచి రూ.19గా నిర్ణయించింది. ఈ షేర్లు ఈ రోజు ప్రారంభమై ఏప్రిల్ 3న ముగుస్తాయి.

ఈక్విటీ షేర్లు జారీ

మొత్తం 25,34,57,280 ఈక్విటీ షేర్లను జారీ చేస్తారు. ఇందులో 6,57,280 అర్హత కలిగిన ఉద్యోగులకు కేటాయిస్తారు. నెట్ పబ్లిక్ ఆఫర్ 25,28,00,000గా ఉంటుంది. రూ.17 షేర్ వద్ద ప్రభుత్వం రూ.430.88 కోట్లు, రూ.19 షేర్ వద్ద ప్రభుత్వం రూ.481.57 కోట్లు సమీకరించనుంది. ఈ ఆపరేషన్స్ ద్వారా ఆర్వీఎన్ఎల్ రెవెన్యూ 2016లో 4,539.85 కోట్ల ఉండగా, 2018 ఆర్థిక సంవత్సరానికి 7,597.36 కోట్లకు పెరిగింది. నెట్ ప్రాఫిట్ 15.20శాతం పెరిగింది. 2016 ఆర్థిక సంవత్సరంలో 429.43 కోట్ల నుంచి 2018 ఆర్థిక సంవత్సరానికి 569.92 కోట్లకు పెరిగింది. ఆర్వీఎన్ఎల్ 31 డిసెంబర్ 2018 నాటికి 102 ప్రాజెక్టులతో 77,504.28 ఆర్డర్స్ కలిగి ఉంది. 2003లో మినిస్ట్రీ ఆఫ్ రైల్వేస్ 179 ప్రాజెక్టులను ఆర్వీఎన్ఎల్‌కు ట్రాన్సుఫర్ చేసింది.