సామ్‌సంగ్ తన పదో యానివర్సరీ సందర్భంగా ఫోల్డబుల్ (మడతపెట్టే) స్మార్ట్ ఫోన్‌ను తీసుకు వస్తోంది. భారత దేశంలోను ఈ ఫోన్‌ను విడుదల చేసేందుకు కసరత్తు చేస్తోంది. అయితే ఈ ఫోన్‌ను ఎక్కువసార్లు ఫోల్డ్ చేస్తే పాడైపోదా అనే అనుమానాలు ఎందరిలోనే ఉన్నాయి. ఈ అనుమానాలను అన్నింటిని సామ్‌సంగ్ నివృత్తి చేసే ప్రయత్నాలు చేసింది.

ఇందులో భాగంగా ఇందుకు సంబంధించి ఓ వీడియోను విడుదల చేసింది. ఫోల్డబుల్ మొబైల్ ఫోన్‌పై టెస్ట్ నిర్వహించింది. ఈ వీడియో 34 సెకన్ల పాటు ఉంది. 2 లక్షల సార్లు ఈ ఫోన్‌ను మడతపెట్టినా బాగానే పని చేస్తుందని శామ్‌సంగ్ చెప్పే ప్రయత్నం చేసింది.

అంటే రోజుకు వందసార్లు చొప్పున అయిదేళ్ల పాటు ఎలాంటి ఇబ్బంది లేకుండా ఈ ఫోన్ ఉపయోగించవచ్చు. ఈ వీడియో సోషల్ మీడియాలో వైరల్‌గా మారింది. శామ్‌సంగ్ పోల్డబుల్ ఫోన్‌ను ఏప్రిల్ చివరి నాటికి విడుదల చేసే ప్రయత్నాలు చేస్తోంది. దీని ధర దాదాపు రూ.2వేల డాలర్లు.

ఈ మొబైల్ ఫీచర్స్... 7.3 అంగుళాల డైనమిక్‌ ఆమోల్డ్‌ మెయిన్‌ డిస్‌ప్లే, ఆరు అంగుళాల హెచ్‌డీ ప్లస్ సూపర్‌ ఆమోల్డ్‌ డిస్‌ప్లే, స్నాప్ డ్రాగన్‌ 855 ప్రాసెసర్, 12 జీబీ ర్యామ్, 512 జీబీ ఇంటర్నల్ స్టోరేజ్‌, బ్యాక్ 3 కెమెరాలు 12 ‌(టెలిఫోటో)+12+‌(వైడ్‌యాంగిల్‌), 16మెగాపిక్సెల్‌ (అల్ట్రావైడ్‌), ఫంట్ర్‌ డ్యుయల్‌ కెమెరా 10+8 మెగా పిక్సెల్, ఆండ్రాయిడ్‌ పై, 4380 ఎంఏహెచ్‌ బ్యాటరీ.